உங்கள் டீன்-ஏஜ் பிள்ளைகள் தனிமையை விரும்புகிறார்களா? பெற்றோர்களே கவனம்!
இரணியலில் அடகு நகையை மீட்பதாகக் கூறி ரூ.12 லட்சம் மோசடி செய்த இளைஞரை இரணியல் போலீஸாா் செவ்வாய்கிழமை கைது செய்து பணத்தை மீட்டனா்.
நாகா்கோவில் கிருஷ்ணன்கோவில் அருகே உள்ள அருகுவிளையை சோ்ந்த முத்துமாலை மகன் கண்ணன் ( 50). இவா் நாகா்கோவில் அசம்பு சாலை பகுதியில் பழைய நகைகளை வங்கிகளில் இருந்து மீட்டு கொடுத்து விற்பனை செய்யும் தொழில் செய்து வருகிறாா் .
கடந்த வெள்ளிக்கிழமை இவரது தொலைபேசியில், ஆளூா் தோப்புவிளையை சோ்ந்த சுயம்பு என்பவரது மகன் சுதா்சன் ( 24 ) பேசியுள்ளாா்.
ஆளூா் பகுதியில் உள்ள தனியாா் நிதி நிறுவனத்தில் 196 கிராம் நகைகளை அடகு வைத்திருப்பதாகவும், அதனை மீட்டு விற்பனை செய்ய ரூ. 12 லட்சம் தேவைப்படுவதாகவும் கூறியுள்ளாா். இதனை நம்பிய கண்ணன் ரூ. 12 லட்சத்துடன் ஆளூா் பகுதிக்குச் சென்று சுதா்சனிடம் கொடுத்துள்ளாா்.
பணத்தை பெற்றுக் கொண்ட சுதா்சன் அங்கிருந்து பணத்துடன் தலைமறைவானாா். தான் ஏமாற்றப்பட்டதை உணா்ந்த கண்ணன் இரணியல் காவல் நிலையத்தில் புகாா் செய்தாா்.
இதுகுறித்து இரணியல் காவல் உதவி ஆய்வாளா் மகேந்திரன் வழக்கு பதிவுசெய்து விசாரணை நடத்தினாா். இந்த நிலையில், ஆளூா் ரயில் நிலையத்தில் சுதா்சனை போலீஸாா் கைது செய்தனா்.
அவரிடம் விசாரணை மேற்கொண்டதில், ரூ.2 லட்சத்தை நண்பருக்கு கொடுத்ததாகவும், ரூ.20 ஆயிரத்தை செலவழித்துவிட்டதாகவும் கூறியுள்ளாா். கைப் பையில் வைத்திருந்த மீதி பணம் ரூ.9 லட்சத்து 80 ஆயிரத்தை அவரிடமிருந்து போலீஸாா் மீட்டனா்.
