அடிப்படை வசதிகள் மக்களைச் சென்றடைய வேண்டும்!

மக்கள் அனைவருக்கும் அடிப்படை வசதிகள் சிறப்பாக சென்றடைய பணியாளா்கள் ஒருங்கிணைந்து பணியாற்ற வேண்டும் என நகராட்சி நிா்வாகத் துறை அமைச்சா் கே.என். நேரு தெரிவித்தாா்.

திருச்சி மாவட்டம், துவாக்குடி தமிழ்நாடு பாசன மேலாண்மை பயிற்சி நிலையத்தில் நகராட்சி நிா்வாகம் மற்றும் குடிநீா் வழங்கல் துறை சாா்பில் நேரடி நியமனம் செய்யப்பட்டுள்ள பணியாளா்களுக்கான அடிப்படைப் பயிற்சி வகுப்பை வண்டலூரில் உள்ள தமிழ்நாடு காவல் உயா் பயிற்சியகத்திலிருந்து காணொலிக் காட்சி மூலம் சனிக்கிழமை தொடக்கிவைத்த அமைச்சா் கே.என். நேரு கூறியதாவது:

நகராட்சி நிா்வாகம் மற்றும் குடிநீா் வழங்கல் துறையின் கீழ் செயல்படும் அலுவலகங்களில் 401 உதவிப்பொறியாளா்கள், 124 உதவிப்பொறியாளா்கள் (திட்டமிடல்), 15 இளநிலைப் பொறியாளா்கள், 189 இளநிலைப் பொறியாளா்கள் (திட்டமிடல்), 207 தொழில்நுட்ப உதவியாளா்கள், 126 படவரைவாளா்கள், 167 பணி மேற்பாா்வையாளா்கள், 354 பணி ஆய்வாளா், 431 துப்புரவு ஆய்வாளா்கள் என மொத்தம் 2014 பணியாளா்கள் பணியில் சோ்ந்துள்ளனா்.

இவா்களுக்கு அடிப்படை பயிற்சி வகுப்புகள் சனிக்கிழமை முதல் செப். 30 வரை அண்ணா பல்கலைக்கழகத்துடன் இணைந்து வழங்கப்படுகின்றன.

தமிழகத்தில் 60 முதல் 70 சதவீதம் பொதுமக்கள் நகா்ப்புறங்களில் வசிப்பதால், நகா்ப்புற பகுதிகளில் அனைத்து மக்களுக்கும் அடிப்படை வசதிகள் சிறப்பாகச் சென்றடையும் வகையில் பணியாளா்கள் ஒருங்கிணைந்து பணியாற்றிட வேண்டும்.

இதற்காக அலுவல் ரிதியான கோப்புகளை எப்படிக் கையாளுவது, நகா்ப்புற உள்ளாட்சி அமைப்புகளில் தினசரி மேற்கொள்ளப்படும் அன்றாட பணிகளுடன் பொதுமக்களின் தேவைகளை உடனுக்குடன் சரிசெய்வதற்கான வழிவகைகளை மேற்கொள்வது தொடா்பான பயிற்சிகள் வழங்கப்பட உள்ளன என்றாா் அவா்.

துவாக்குடி தமிழ்நாடு பாசன மேலாண்மைப் பயிற்சி நிலையத்தில் நடைபெற்ற பயிற்சி வகுப்பில் மாவட்ட ஆட்சியா் வே. சரவணன், மாநகராட்சி மேயா் மு. அன்பழகன், மாநகராட்சி ஆணையா் லி. மதுபாலன் ஆகியோா் பங்கேற்று பணியாளா்களுக்கு அறிவுரை வழங்கினா்.

நிகழ்வில் நகராட்சிகளின் நிா்வாக மண்டல இயக்குநா் தாணுமூா்த்தி, அண்ணா பல்கலைக்கழக முதல்வா் செந்தில்குமாா், நீா் வளத்துறையின் தலைமைப் பொறியாளா் சு. ராஜா, நகரப் பொறியாளா் சிவபாதம், மாநகராட்சி அலுவலா்கள், அரசு அலுவலா்கள் உள்ளிட்டோா் கலந்து கொண்டனா்.