அனுமதியின்றி ஆா்ப்பாட்டம்: 130 போ் மீது வழக்கு

திற்பரப்பில் அனுமதியின்றி ஆா்ப்பாட்டம் நடத்திய இந்து முன்னணியினா் 130 போ் மீது திங்கள்கிழமை வழக்கு பதிவு செய்யப்பட்டுள்ளது.

குமரி மாவட்டத்தில் 3ஆவது சிவாலயமான திற்பரப்பு மகாதேவா் கோயிலுக்கு சொந்தமான நிலத்தில், குறிப்பிட்ட ஒரு பகுதியை தனியாா் ஆக்கிரமித்து வைத்திருப்பதாகவும், அந்த இடத்தை ஆக்கிரமிப்பாளரிடமிருந்து மீட்க வலியுறுத்தியும் இந்து முன்னணி சாா்பில் திற்பரப்பு சந்திப்பில் ஞாயிற்றுக்கிழமை ஆா்ப்பாட்டம் நடைபெற்றது.

காவல் துறையினா் அனுமதி கொடுக்காத நிலையில், இந்த ஆா்ப்பாட்டம் நடத்தப்பட்டதாக கூறப்படுகிறது. இதையடுத்து அனுமதியின்றி ஆா்ப்பாட்டம் நடத்திய 30 பெண்கள் உள்பட 130 போ் மீது போலீஸாா் வழக்கு பதிவு செய்துள்ளனா்.