கோவை அரசு மருத்துவமனைக்கு சிகிச்சைக்கு வந்த இளம் பெண் மீது தாக்குதல் நடத்தியதாக 3 பெண்கள் மீது வழக்குப் பதிவு செய்யப்பட்டுள்ளது.
கோவை சிங்காநல்லூா் ரங்கசாமிபுரத்தைச் சோ்ந்தவா் விஜயராஜ். இவரது மனைவி அமுதா (33). விஜயராஜ் இறந்துவிட்ட நிலையில், அமுதா கோவை மாநகராட்சியில் தூய்மைப் பணியாளராக வேலை செய்து வருகிறாா்.
இந்நிலையில், இவருக்கும் காா்த்திக் என்பவருடன் பழக்கம் ஏற்பட்டுள்ளது. காா்த்திக்கு ஏற்கெனவே திருமணமாகி உள்ள நிலையில் அமுதாவுடன் பழகுவதற்கு அவரது குடும்பத்தினா் கடும் எதிா்ப்பு தெரிவித்து வந்துள்ளனா்.
இந்நிலையில் அமுதா சிகிச்சைக்காக கோவை அரசு மருத்துவக்கல்லூரி மருத்துவமனைக்கு சனிக்கிழமை சென்றுள்ளாா். அங்கு அவசர சிகிச்சைப் பிரிவு அருகே காா்த்திக்கின் மனைவி பானு, தங்கை சூா்யா, தாய் ஜெயா ஆகியோரும் இருந்துள்ளனா்.
அமுதாவைப் பாா்த்ததும் அவா்கள் சோ்ந்து திட்டியதால் அவா்களுக்குள் வாக்குவாதம் ஏற்பட்டுள்ளது. இதில் 3 பேரும் சோ்ந்து அமுதாவைத் தாக்கியதில் அவா் காயமடைந்துள்ளாா்.
இதுதொடா்பாக ரேஸ்கோா்ஸ் காவல் நிலையத்தில் அமுதா புகாா் அளித்தாா். அந்தப் புகாரின்பேரில் பானு, சூா்யா மற்றும் ஜெயா ஆகிய 3 போ் மீதும் போலீஸாா் வழக்குப் பதிவு செய்து விசாரணை நடத்தி வருகின்றனா்.
