ஆங்கிலப் புத்தாண்டு: புதுச்சேரியில் முன்னேற்பாடுகள் தீவிரம்

புதுச்சேரி: ஆங்கிலப் புத்தாண்டு கொண்டாட்டத்தையொட்டி புதுச்சேரியில் பல்லாயிரக்கணக்கானோா் கூடுவாா்கள் என எதிா்பாா்க்கப்படுவதால், மாநில அரசு , காவல் துறை சாா்பில் முன்னேற்பாடுகள் தீவிரமாக நடைபெற்று வருகின்றன.

ஜன.1 ஆங்கிலப் புத்தாண்டையொட்டி புதுச்சேரியில் அசோகா பீச், சின்னவீராம்பட்டினம் ரூபி பீச், ஈடன் பீச் மற்றும் நகரில் உள்ள பாரதி பூங்கா, வழிபாட்டுத் தலங்களான மணக்குள விநாயகா் கோயில், ஜென்மராக்கினி மாதா ஆலயம், தூய இருதய ஆண்டவா் ஆலயம், துய்மா பேராலயம் உள்ளிட்ட இடங்களில் மக்கள் அதிகளவில் கூடுவா்.

இதையடுத்து, மக்கள் அதிகம் கூடுமிடங்களை ஒழுங்குபடுத்துதல், தடுப்புகள் அமைத்து பாதுகாப்பு ஏற்பாடுகளை செய்தல் உள்ளிட்ட முன்னேற்பாடு பணிகள் தீவிரமாக நடைபெற்று வருகின்றன. இதேபோல, புதுச்சேரி கடற்கரைப் பகுதியில் தடுப்புகள் அமைக்கப்பட்டு பாதுகாப்புப் பணிகள் மேற்கொள்ளப்பட்டுள்ளது.

ஆய்வுக் கூட்டம்: புத்தாண்டு கொண்டாட்ட முன்னேற்பாடு நடவடிக்கைகள் குறித்த காவல் துறையின் ஆய்வுக் கூட்டம், புதுச்சேரி கடற்கரைச் சாலையில் உள்ள ஆசிரம வளாகத்தில் திங்கள்கிழமை நடைபெற்றது.

ஐ.ஜி. அஜித்குமாா் சிங்லா தலைமை வகித்தாா். இதில், டிஐஜி சத்தியசுந்தரம், முதுநிலைக் காவல் கண்காணிப்பாளா்கள் நாரா சைதன்யா, பிரவீன்குமாா், கலைவாணன் உள்ளிட்டோா் பங்கேற்றனா்.

கூட்டத்தில், புத்தாண்டை கொண்டாட வரும் சுற்றுலாப் பயணிகளிடம் காவலா்கள் கனிவோடு நடந்து கொள்ள வேண்டும். நகரப் பகுதிகளில் போக்குவரத்து குறித்த தகவல்களை காவலா்கள் அறிந்து வைத்துக் கொள்ள வேண்டும்.

வாகன நிறுத்துமிடங்களில் கியூஆா் கோடை கைப்பேசியில் பதிவேற்றம் செய்து வைத்துக் கொள்ளவேண்டும். வாகன நிறுத்தும் இடங்களில் இருந்து இயக்கப்படும் பேருந்துகளில் போலீஸாா் பாதுகாப்புப் பணியில் ஈடுபட வேண்டும்.

அனுமதிக்கப்பட்ட நேரத்துக்கு பிறகு மதுபானக் கூடங்களில் நிகழ்ச்சிகள் நடத்த அனுமதிக்க கூடாது, கடலில் குளிக்க யாருக்கும் அனுமதி வழங்கக் கூடாது.

மேலும், சரித்திர பதிவேடு குற்றவாளிகளை தொடா் கண்காணிப்பில் வைத்திருத்தல், மது அருந்தி வாகனம் இயக்குபவா்கள் மீது கடும் நடவடிக்கை எடுக்கவும் காவலா்களுக்கு அறிவுறுத்தப்பட்டது.

தொடா்ந்து, வாகன நிறுத்துமிடங்கள் குறித்த க்யூ ஆா் கோடு விவரங்கள் அடங்கிய கையேட்டை ஐ.ஜி. அஜித்குமாா் சிங்லா உள்ளிட்ட காவல் துறை உயரதிகாரிகள் வெளியிட்டனா்.

பாதுகாப்புப் பணியில் 2, 200 போ்: ஆங்கிலப் புத்தாண்டு கொண்டாட்டத்துக்காக, புதுச்சேரிக்கு தமிழகம் மற்றும் பிற மாநிலங்களைச் சோ்ந்த பலா் வருகை தந்துள்ளனா். இதனால், திங்கள்கிழமையே நகரில் கடும் போக்குவரத்து நெரிசல் காணப்பட்டது.

இந்த நிலையில் சட்டம் ஒழுங்கு , போக்குவரத்தை சீா்படுத்துதல் மற்றும் பாதுகாப்புப் பணிகளுக்காக 400 ஐஆா்பின் தன்னாா்வலா்கள் உள்ளிட்ட 2,200 போலீஸாா் பாதுகாப்புப் பணியில் ஈடுபட்டுள்ளனா்.

போக்குவரத்தில் மாற்றம்: செவ்வாய்க்கிழமை பிற்பகல் 2 மணி முதல் ஜன.1- ஆம் தேதி காலை 9 மணி வரை புதுச்சேரி ஒயிட் டவுன் பகுதியில் வாகனங்கள் செல்லத் தடை விதித்தும், மேலும் ஆம்பூா் சாலையிலிருந்து கிழக்கு நோக்கி செல்லும் சாலைகள் அனைத்தும் மூடப்படுவதாக போக்குவரத்துக் காவல் துறை அறிவித்துள்ளது.

தற்காலிக வாகன நிறுத்துமிடங்கள்: உப்பளம் புதிய துறைமுகம், இந்திரா காந்தி விளையாட்டு வளாகம், பெத்திசெமினாா் பள்ளி, பாண்டி மெரீனா, பழைய பேருந்து நிலைய நகராட்சி வளாகம், பழைய சிறைச் சாலை வளாகம், புதிய பேருந்து நிலையம் ( எம்.எம். சாலை) பாரதிதாசன் மகளிா் கல்லூரி, வாசவி பன்னாட்டுப் பள்ளி, கருவடிக்குப்பம் பாத்திமா மேல்நிலைப் பள்ளி வளாகம் ஆகிய இடங்களில் தற்காலிக வாகன நிறுத்துமிடங்கள் அமைக்கப்பட்டுள்ளன.

இந்த வாகன நிறுத்துமிடங்களிலிருந்து 30 பேருந்துகளை இலவசமாக இயக்க ஏற்பாடுகள் செய்யப்பட்டுள்ளன.

இதேபோல, பெத்திசெமினாா் பள்ளி, உப்பளம் பாா்க்கிங் இடங்களிலும், ஆம்பூா் சாலை மற்றும் மிஷன் தெருவுக்கு இடையேயுள்ள அனைத்து சாலைகளிலும் இருசக்கர வாகனங்களை நிறுத்தலாம் என அறிவுறுத்தப்பட்டுள்ளது.