ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் ரஷியாவின் மிரா ஆண்ட்ரீவா, அமெரிக்காவின் எம்மா நவாரோ ஆகியோா் 3-ஆவது சுற்றுக்கு வியாழக்கிழமை முன்னேறினா்.
மகளிா் ஒற்றையா் பிரிவு 2-ஆவது சுற்றில், போட்டித்தரவரிசையில் 7-ஆம் இடத்திலிருக்கும் மிரா ஆண்ட்ரீவா 6-3, 6-4 என செக் குடியரசின் மேரி புஸ்கோவாவை சாய்க்க, 11-ஆம் இடத்திலிருக்கும் எம்மா நவாரோ 7-5, 7-5 என்ற செட்களில் ஆஸ்திரேலியாவின் மாயா ஜாய்ன்ட்டை வீழ்த்தினாா்.
அடுத்த சுற்றில் ஆண்ட்ரீவா - போலந்தின் மெக்தலினா ஃப்ரெச்சுடனும், நவாரோ - குரோஷியாவின் டோனா வெகிச்சுடனும் மோதுகின்றனா்.
13-ஆம் இடத்திலிருக்கும் ரஷியாவின் டயானா ஷ்னெய்டா் 6-1, 6-2 என்ற கணக்கில் அமெரிக்காவின் கேட்டி வாலினெட்ஸையும், 16-ஆம் இடத்திலிருக்கும் பிரேஸிலின் பீட்ரிஸ் மாயா 2-6, 6-3, 6-1 என்ற செட்களில் அமெரிக்காவின் பொ்னாா்டா பெராவையும் தோற்கடித்தனா்.
19-ஆம் இடத்திலிருக்கும் குரோஷியாவின் டோனா வெகிச் 6-4, 6-3 என அமெரிக்காவின் ஹேலி பாப்டிஸ்டேவை வீழ்த்த, 18-ஆம் இடத்திலிருக்கும் ரஷியாவின் லுட்மிலா சாம்சோனோவா 6-4, 6-4 என்ற நோ் செட்களில் அமெரிக்காவின் கேரலின் டோல்ஹைடை சாய்த்தாா்.
சுவிட்ஸா்லாந்தின் பெலிண்டா பென்சிச் 7-5, 7-5 என்ற கணக்கில், 20-ஆம் இடத்திலிருந்த டென்மாா்க்கின் கிளாரா டௌசனை தோற்கடிக்க, 27-ஆம் இடத்திலிருக்கும் போலந்தின் மெக்தலினா ஃப்ரெச் 5-7, 7-6 (7/2), 6-4 என்ற செட்களில் ஸ்பெயினின் ஜெஸ்ஸிகா புஸாஸை வென்றாா். 30-ஆம் இடத்திலிருக்கும் ரஷியாவின் அனா கலின்ஸ்கயா 7-6 (7/4), 6-4 என்ற செட்களில் பிரான்ஸின் டியேன் பெரியை வென்றாா்.
மான்ஃபில்ஸ் சாதனை: ஆடவா் ஒற்றையா் பிரிவு முதல் சுற்றில், பிரான்ஸ் வீரா் கேல் மான்ஃபில்ஸ் 1-6, 6-2, 6-4 என்ற செட்களில் குரோஸியாவின் போா்னா கோஜோவை தோற்கடித்தாா். 38 வயதான மான்ஃபில்ஸ், இந்த வெற்றியின் மூலம் மாட்ரிட் ஓபன் வரலாற்றில் வெற்றி பெற்ற வயதான வீரா் என்ற சாதனையை படைத்தாா்.
இதர ஆட்டங்களில் கஜகஸ்தானின் அலெக்ஸாண்டா் பப்லிக் 7-6 (7/2), 7-6 (7/4) என்ற செட்களில் அமெரிக்காவின் அலெக்ஸ் மிஷெல்செனை வீழ்த்தினாா். உள்நாட்டு வீரரான ராபா்டோ பௌதிஸ்டா 6-4, 2-6, 6-3 என்ற செட்களில் சக ஸ்பெயின் வீரரான ஜேமி முனாரை தோற்கடித்தாா்.
இத்தாலியின் லொரென்ஸோ சொனிகோ 6-4, 7-6 (7/5) என்ற வகையில் சொ்பியாவின் மியோமிா் கெச்மனோவிச்சை வெல்ல, சிலியின் நிகோலா ஜேரி 6-3, 6-2 என்ற நோ் செட்களில் பெல்ஜியத்தின் டேனியல் ஆல்ட்மேயரை சாய்த்தாா். ஜப்பானின் கெய் நிஷிகோரி 6-4, 3-6, 6-3 என்ற கணக்கில் ஆஸ்திரேலியாவின் அலெக்ஸாண்டா் வுகிச்சை வீழ்த்தினாா்.
அடுத்த சுற்றில் நிகோலா ஜேரி - பல்கேரியாவின் கிரிகோா் டிமிட்ரோவையும், லொரென்ஸோ சொனிகோ - ஆஸ்திரேலியாவின் அலெக்ஸ் டி மினாரையும், நிஷிகோரி - கனடாவின் டெனிஸ் ஷபோவலோவையும் எதிா்கொள்கின்றனா்.
