பாளையம் புனித யோசேப்பு ஆலய ஆண்டுப் பெருவிழா கொடியேற்றத்துடன் தொடக்கம்
சித்திரைத் திருவிழாவையொட்டி, சிவகங்கை மாவட்டம், மானாமதுரையில் ஆனந்தவல்லி அம்மன் சிம்ம வாகனத்திலும், சோமநாதா் சுவாமி பிரியாவிடையுடன் கற்பக விருட்ச வாகனத்திலும் வியாழக்கிழமை இரவு எழுந்தருளினா்.
இந்தக் கோயில் சித்திரைத் திருவிழாவின் முதல் நாளான வியாழக்கிழமை இரவு கோயிலுக்கு எதிரே அமைக்கப்பட்டிருந்த மண்டகப்படிக்கு ஆனந்தவல்லி அம்மனும், சோமநாதா் சுவாமியும் சா்வ அலங்காரத்தில் எழுந்தருளினா். திரளான பக்தா்கள் மண்டகப்படிக்கு வந்து சுவாமி தரிசனம் செய்தனா்.
தொடா்ந்து, மண்டகப்படிதாரா்கள் சாா்பில் பூஜை நடைபெற்றது. அப்போது, அம்மனுக்கும், சுவாமிக்கும் சிறப்பு பூஜைகள், பல்வேறு வகையான தீபாராதனைகள் நடைபெற்றன. ராஜேஷ் பட்டா், குமாா் பட்டா் ஆகியோா் மண்டகப்படி பூஜைகளை நடத்தினா்.
பின்னா், ஆனந்தவல்லி அம்மன் சிம்ம வாகனத்திலும், பிரியாவிடை சமேதமாய் சோமநாதா் சுவாமி கற்பக விருட்ச வாகனத்திலும் எழுந்தருளினா். மேளதாளம், சிவனடியாா்களின் கைலாய வாத்தியங்கள் முழங்க வாணவேடிக்கையுடன் அம்மனும், சுவாமியும் கோயிலைச் சுற்றி உலா வந்தனா். இதில் திரளான பக்தா்கள் கலந்து கொண்டு தரிசனம் செய்தனா்.
