ஆயுதப்படைகளை கௌரவிக்கும் வகையில் ஆனந்த் விஹாா் நமோ பாரத் நிலையத்தில் இசை நிகழ்ச்சி

நமோ பாரத் அன்ப்ளக்டு மியூசிகல் இரண்டாவது சீசன் வெள்ளிக்கிழமை மே 23 அன்று ஆனந்த் விஹாா் நமோ பாரத் நிலையத்தில் தொடங்குகிறது.

பயணிகள் மற்றும் இசை ஆா்வலா்கள் ஒவ்வொரு வெள்ளிக்கிழமையும் மாலை 6 மணிக்கு வளா்ந்து வரும் கலைஞா்களின் நேரடி நிகழ்ச்சிகளுடன் தங்கள் வார இறுதி நாள்களை புத்துணா்ச்சியூட்டும் தொடக்கமாக இது அமையும்.

தேசியத் தலைநகா் பிராந்திய போக்குவரத்துக் கழகம் (என்சிஆா்டிசி) ஏற்பாடு செய்துள்ள இந்த இசை மாலை நிகழ்வு இலவசம் மற்றும் பொதுமக்களுக்கு திறந்திருக்கும் என்று அறிக்கையில் தெரிவிக்கப்பட்டுள்ளது.

இந்த சீசனின் முதல் நிகழ்வு தேசத்திற்கும் ஆயுதப்படைகளின் துணிச்சலுக்கும் அா்ப்பணிக்கப்படும். அனைத்து நிகழ்ச்சிகளும் தேசபக்தி கருப்பொருள்களை மையமாகக் கொண்டவை என்று என்சிஆா்டிசி அறிக்கையில் கூறப்பட்டுள்ளது.

இந்த முயற்சி என்சிஆா் முழுவதும் உள்ள பள்ளிகள், கல்லூரிகள் மற்றும் சுயாதீன சுற்றுகளைச் சோ்ந்த இளம் மற்றும் வரவிருக்கும் இசைக்கலைஞா்களுக்கு ஒரு தளத்தை வழங்கும் அதே வேளையில் கூட்டு பெருமையின் தருணத்தை உருவாக்குவதை நோக்கமாகக் கொண்டுள்ளது என்று அது கூறியது.

’ஆன்-தி-ஸ்பாட் அந்தாக்ஷரி’ என்ற புதிய ஊடாடும் பிரிவு இந்த சீசனில் அறிமுகப்படுத்தப்படும் என்றும், பாா்வையாளா்கள் இசை கொண்டாட்டங்களில் தீவிரமாக பங்கேற்க அனுமதிக்கும் என்றும் அறிக்கையில் குறிப்பிடப்பட்டுள்ளது.

காஜியாபாத் நமோ பாரத் நிலையத்தில் நடைபெற்ற முதல் சீசனுக்கு நோ்மறையான வரவேற்பு கிடைத்தது, நான்கு மாதங்களுக்கு ஒவ்வொரு வெள்ளிக்கிழமை மாலையும் நிலையத்தை ஒரு துடிப்பான கலாசார மையமாக மாற்றியது என்று அறிக்கையில் கூறப்பட்டுள்ளது.