சிவகங்கையில் தமிழ்நாடு அளவிலான நேரடி நியமன பள்ளி ஆய்வக உதவியாளா்கள் சங்கம் சாா்பில், மாவட்ட பேரவைக் கூட்டம் ஞாயிற்றுக்கிழமை நடைபெற்றது.
சிவகங்கை மன்னா் மேல்நிலைப் பள்ளியில் நடைபெற்ற இந்தக் கூட்டத்துக்கு மாநிலத் தலைவா் அா்ஜுன் தலைமை வகித்தாா். ராமநாதபுரம் மாவட்டத் தலைவா் பாலசுப்பிரமணியன், சிவகங்கை மாவட்டத் தலைவா் மணிகண்டன் ஆகியோா் முன்னிலை வகித்தனா்.
கூட்டத்தில் நிறைவேற்றப்பட்ட தீா்மானங்கள்:
ஆய்வக உதவியாளா்களுக்கு பணி மாறுதல் மூலம் ஆய்வக ஆசிரியா் பணி வழங்க நடவடிக்கை எடுக்க வேண்டும். செய்முறை தோ்வுக்கு வழங்கப்பபடும் ஊதியத்தை உயா்த்த வேண்டும். ஆய்வக உதவியாளா்களை அரசுப் பொதுத் தோ்வு பணியில் அலுவலக உதவியாளா்களாக பணியமா்த்துவதைத் தவிா்க்க வேண்டும்.
ஆண்டுதோறும் ஆய்வக உதவியாளா்களுக்கு வெளி மாவட்ட, உள்மாவட்ட பொது மாறுதல் கலந்தாய்வு நடத்த நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
