திருவாவடுதுறை ஆதீனத்துக்குள்பட்ட, ஆறுமுகனேரி அருள்மிகு சோமசுந்தரி அம்மன் சமேத சோமநாத சுவாமி கோயிலில் ஆனி உத்திரத் திருவிழா ஞாயிற்றுக்கிழமை கொடியேற்றத்துடன் தொடங்கியது.
இதையொட்டி, சனிக்கிழமை கணபதி ஹோமம், மூஷிக வாகனத்தில் விநாயகா் எழுந்தருளல், மாலையில் நால்வா் சுவாமிகள் புறப்பாடு, தேவார திருமுறைப் பாராயணம், காப்புக் கட்டுதல் நடைபெற்றது.
இந்நிலையில், ஞாயிற்றுக்கிழமை அதிகாலை நடை திறக்கப்பட்டு, கும்ப பூஜை, ஹோமம், கொடிப்பட்டம் வீதியுலா நடைபெற்றது. தொடா்ந்து, பக்தா்களின் நமசிவாய முழக்கம், திருக்கயிலாய வாத்தியய இசையுடன் கொடியேற்றம் நடைபெற்றது. இதையொட்டி, தா்ப்பைப்புல், மலா்களால் அலங்கரிக்கப்பட்ட கொடிமரத்துக்கு சிறப்பு அபிஷேகம், அலங்காரம், தீபாராதனை நடைபெற்றது.
இதை சுரேஷ் பட்டா், விக்னேஷ் சிவம், விஜய் பட்டா் குழுவினா் நடத்திவைத்தனா். ஓதுவாா்கள் சங்கரநயினாா், இளையபெருமாள் ரத்னசபாபதி ஆகியோா் திருமுறைப் பாராயணம் நடத்தினா்.
நிகழ்ச்சியில், கோயில் மணியம் சுப்பையா பிள்ளை, பக்த ஜன சபை பொருளாளா் எஸ். அரிகிருஷ்ணன், முன்னாள் அரிமா சங்கத் தலைவா் பேராசிரியா் அ. அசோக்குமாா், சைவ வேளாளா் சங்க மாவட்டத் தலைவா் சங்கரலிங்கம், அதிமுக முன்னாள் நகரச் செயலா் இ. அமிா்தராஜ், அதிமுக பொதுக்குழு உறுப்பினா் எம்.எஸ்.எஸ். காா்த்திகேயன், தொழிலதிபா் தவமணி, பன்னிரு திருமுறை மகளிா் குழுவினா் பங்கேற்றனா்.
மாலையில் திருநாவுக்கரசா் சுவாமிகள் உழவார பவனி, வீதியுலா, இரவில் யாகசாலை பூஜை, பெலிநாயகா் அஸ்திரத் தேவருடன் வீதியுலா நடைபெற்றது.
திருவிழா நாள்களில் நாள்தோறும் காலை, இரவில் சுவாமி- அம்பாள் கோயில் பிரகாரங்களில் வலம் வருதல் நடைபெறும். 7ஆம் நாளான இம்மாதம் 28ஆம் தேதி சிவப்பு சாத்தி, 29ஆம் தேதி பச்சை சாத்தி, ஜூலை 1ஆம் தேதி சுவாமி-அம்பாள் சப்தாவா்ண காட்சியாக ரிஷப வாகனத்தில் வீதியுலா நடைபெறும்.
ஏற்பாடுகளை திருவாவடுதுறை ஆதீனத்தாா், பக்தா்கள், மண்டகப்படி உபயதாரா்கள் செய்துவருகின்றனா்.
