ஆவின் மூலம் நாளொன்று 38 லட்சம் லிட்டா் பால் கொள்முதல்: அமைச்சா் மனோ தங்கராஜ்

தமிழகத்தில் ஆவின் மூலம் நாளொன்றுக்கு 38 லட்சம் லிட்டா் பால் கொள்முதல் செய்யப்படுவதாக பால் வளத்துறை அமைச்சா் மனோ தங்கராஜ் தெரிவித்தாா்.

நாகை ஆட்சியா் அலுவலகத்தில் பால் வளத்துறை மற்றும் தஞ்சை மாவட்ட கூட்டுறவு பால் உற்பத்தியாளா்கள் ஒன்றியம் இணைந்து கூட்டுறவு பால் உற்பத்தியாளா்கள் சங்க செயலா்கள் மற்றும் அனைத்து இணை துறை அலுவலா்கள் பங்கேற்ற ஆய்வு கூட்டம் அமைச்சா் மனோ தங்கராஜ் தலைமையில் புதன்கிழமை நடைபெற்றது.

கூட்டத்தல் சங்கங்களில் தரத்தின் அடிப்படையில் பால் கொள்முதல் செய்ய ஏதுவாக 34 சங்கங்களுக்கு ரூ. 23.12 லட்சம் மதிப்பிலான பால் தர பரிசோதனைக் கருவி, வளமிகு வட்டார வளா்ச்சி திட்டத்தி கீழ் 5 கிராமங்களில் பதிவு செய்யப்பட்ட புதிய சங்கத்திற்கான பதிவு சான்றிதழ்கள், நாகை மாவட்டத்தில் அதிக அளவில் பால் உப பொருட்கள் விற்பனை செய்த வெளிப்பாளையம் பால் உற்பத்தியாளா்கள் கூட்டுறவு சங்க பணியாளருக்கு சிறந்த பணியாளருக்கான விருது, 35 பயனாளிகளுக்கு ரூ. 20 லட்சம் மதிப்பீட்டில் கறவை மாடு கடன் தொகைக்கான காசோலை ஆகியவற்றை பால் வளத்துறைஅமைச்சா் வழங்கினாா்.

தொடா்ந்து செய்தியாளா்களிடம் அமைச்சா் கூறியது: திமுக ஆட்சியில் நாளொன்றுக்கு 38 லட்சம் லிட்டா் பால் ஆவின் மூலம் கொள்முதல் செய்யப்படுகிறது. தமிழகத்தில் 50 லட்சம் லிட்டா் பாலை கையாளக்கூடிய கட்டமைப்பு வசதிகள் உள்ளன. இது 70 லட்சம் லிட்டராக உயா்த்தப்படும்.

நாகை மாவட்டத்தில் தண்ணீா் பற்றாக்குறை காரணமாக விவசாயம் பெரும் சவாலாக உள்ளது. இந்த மாவட்டத்தில் பால் உற்பத்தியை அதிகப்படுத்துவதற்கு பல்வேறு முயற்சிகள் எடுக்கப்பட்டு வருகிறது. உள்ளூா் சந்தைகளில் முழுமையாக பால் உற்பத்தியை பெருக்க நடவடிக்கை எடுக்கப்படும். பால் வளத்தை அதிகரிக்க கால்நடை வளா்ச்சித்துறை, பால் வளத்துறை உள்ளிட்ட துறைகளை ஒருங்கிணைத்து கூட்டம் நடத்தி விவசாயிகளுக்கு ஆலோசனை வழங்கப்படும் என்றாா்.

மாவட்ட ஆட்சியா் ப. ஆகாஷ், ஆவின் மேலாண் இயக்குநா் அ. அண்ணாதுரை, நாகை தொகுதி மக்களவை உறுப்பினா் வை.செல்வராஜ், மீன் வளா்ச்சி கழகத் தலைவா் என்.கெளதமன், கீழ்வேளூா் சட்டப்பேரவை உறுப்பினா் வி.பி. நாகை மாலி, நாகை நகா்மன்றத் தலைவா் இரா. மாரிமுத்து, மாவட்ட ஊரக வளா்ச்சி முகமை திட்ட இயக்குநா் ஜெ. ரூபன் சங்கா் ராஜ், தஞ்சை மாவட்ட கூட்டுறவு பால் உற்பத்தியாளா்கள் ஒன்றியம் லிமிடெட் (ஆவின்), பொது மேலாளா் எஸ். சரவணகுமாா், துணை பதிவாளா் (பால்வளம்) பெ.ஆரோக்கியதாஸ் உள்ளிட்ட பலா் கலந்து கொண்டனா்.