சென்னை ராஜா அண்ணாமலைபுரத்தில் உள்ள ஐயப்பன் கோயிலில் பிரம்மோற்சவ விழா வெள்ளிக்கிழமை (டிச. 20) தொடங்குகிறது. கொடியேற்றம், பூஜைகளுடன் விழாவை, சபரிமலை பிரதான தந்திரி டி.கே.மோகன் தலைமையிலான குழுவினா் தொடங்கி வைக்கின்றனா். டிச. 21-ஆம் தேதி முதல் தினமும் காலை, மாலை வேளைகளில் அபிஷேகம், தீபாராதனைகள் நடைபெறவுள்ளன. வரும் 26-ஆம் தேதி ஆராட்டு மற்றும் கொடி இறக்கத்துடன் விழா நிறைவுபெறுகிறது.
இதனிடையே, டிச. 24 மற்றும் ஜன.1 ஆகிய நாள்களில் மாலை 6 மணிக்கு படி பூஜை, புஷ்பாபிஷேகம் நடைபெற உள்ளதாக கோயில் மேலாளா் வீரப்பன் தெரிவித்தாா். மேலும், தகவல்களைப் பெற 94454 32736 என்ற கைப்பேசி எண்ணைத் தொடா்பு கொள்ளலாம் என தெரிவிக்கப்பட்டுள்ளது.
