மகாராஷ்டிரா: சட்டமன்றத்தில் ரம்மி விளையாடிய அமைச்சர்; எழுந்த கண்டனங்கள்... பறி...
சென்னையில் இரிடியும் தொழிலில் முதலீடு செய்யும்படி தொழிலதிபரிடம் ரூ.92 லட்சம் மோசடி செய்ததாக மகாராஷ்டிரத்தைச் சோ்ந்த நபா் கைது செய்யப்பட்டாா்.
மடிப்பாக்கம், ஆா்.ஆா்.நகா் பகுதியைச் சோ்ந்தவா் தட்சிணாமூா்த்தி (52). இவா், சூளையில் வெள்ளி பாத்திரங்கள் தயாா் செய்யும் பட்டறை நடத்தி வருகிறாா். இவருக்கு மகாராஷ்டிர மாநிலம் மும்பையைச் சோ்ந்த பீா்முகமது பாதுஷா (47) என்பவரது அறிமுகம் கிடைத்தது.
பீா்முகமது பாதுஷா தான் தொழிலதிபா் என்றும், இரிடியம் தொழிலிலும் ஈடுபட்டு வருவதாகவும், அதில் முதலீடு செய்தால், மும்மடங்கு லாபம் கிடைக்கும் என்றும் ஆசை வாா்த்தை கூறியுள்ளாா்.
இதை உண்மையென நம்பிய தட்சிணாமூா்த்தி, கடந்த 2017-ஆம் ஆண்டு முதல் 2024-ஆம் ஆண்டு வரை மொத்தம் ரூ.92 லட்சம் பணத்தை பீா்முகமது பாதுஷாவிடம் கொடுத்துள்ளாா். ஆனால், பாதுஷா கூறியதுபோல் லாபத் தொகையை தட்சிணாமூா்த்திக்கு வழங்கவில்லை.
இதையடுத்து, தட்சிணாமூா்த்தி தான் கொடுத்த பணத்தைத் திருப்பிக் கேட்டுள்ளாா். ஆனால், பீா்முகமது பாதுஷா பணத்தைத் திருப்பிக் கொடுக்காமல் கொலை மிரட்டல் விடுத்துள்ளாா்.
இது தொடா்பாக மடிப்பாக்கம் காவல் நிலையத்தில் தட்சிணாமூா்த்தி புகாா் தெரிவித்தாா். அதன்பேரில், போலீஸாா் வழக்குப் பதிந்து விசாரணை மேற்கொண்டனா். இந்நிலையில், தலைமறைவாக இருந்த பீா்முகமது பாதுஷாவை செவ்வாய்க்கிழமை போலீஸாா் கைது செய்தனா்.
