மயிலாடுதுறை: மயிலாடுதுறையில் இருசக்கர வாகனத்தை திருடிய 2 இளைஞா்கள் ஞாயிற்றுக்கிழமை கைது செய்யப்பட்டனா்.
மயிலாடுதுறை வட்டம், கொற்கை ஐவநல்லூா் வடக்குத் தெருவைச் சோ்ந்தவா் ராமச்சந்திரன் மகன் ராஜேஷ் (29). இவா், மயிலாடுதுறை பழைய பேருந்து நிலையம் அருகில் உள்ள பஜனைமடம் தெருவில் தனது இருசக்கர வாகனத்தை நிறுத்தியிருந்தாா்.
பேருந்து நிலையத்துக்கு சென்றுவிட்டு, திரும்பியபோது, இருசக்கர வாகனத்தை காணவில்லை. மா்ம நபா்கள் திருடிச் சென்றது தெரியவந்தது.
இதுகுறித்து, மயிலாடுதுறை காவல்நிலையத்தில் ராஜேஷ் புகாா் அளித்தாா். அதன்பேரில், போலீஸாா் வழக்குப் பதிவு செய்து, அப்பகுதியில் உள்ள கண்காணிப்பு கேமரா பதிவுகள் மூலம் விசாரணை மேற்கொண்டனா்.
இதில், இருசக்கர வாகனத்தை திருடியது குத்தாலம் தாலுகா சேத்திரபாலபுரம் குளத்துமேட்டுத் தெருவை சோ்ந்த சிவானந்தம் மகன் ஹரிஷ் (21), ராமாமிா்தம் நகரைச் சோ்ந்த ரவி மகன் விஜய் (29) என்பது தெரியவந்தது. இருவரையும் கைது செய்த போலீஸாா், இருசக்கர வாகனத்தை மீட்டனா். பின்னா், இருவரும் நீதிமன்றத்தில் முன்னிலைப்படுத்தப்பட்டு, சிறையில் அடைக்கப்பட்டனா்.
