உடுமலை: குளத்தில் இருசக்கர வாகனம் விழுந்து பள்ளி மாணவி உள்பட 3 போ் உயிரிழப்பு!

உடுமலை அருகே குளத்தில் இருசக்கர வாகனம் விழுந்த விபத்தில் நீரில் மூழ்கி பள்ளி மாணவி உள்பட 3 போ் உயிரிழந்தனா்.

திருப்பூா் மாவட்டம், உடுமலையை அடுத்துள்ள குறிச்சிக்கோட்டை பகுதியைச் சோ்ந்த 17 வயதான சிறுமி 11-ஆம் வகுப்பு படித்து வந்தாா். இவா் கடந்த மூன்று தினங்களுக்கு முன்பு காணாமல் போனாா். இது குறித்து தளி காவல் நிலையத்தில் அவரது தந்தை புகாா் அளித்தாா்.

இந்நிலையில், குறிச்சிக்கோட்டையை அடுத்துள்ள மானுப்பட்டி பகுதியில் உள்ள ஒரு குளத்தில் 3 சடலங்கள் மிதப்பதாக போலீஸாருக்கு சனிக்கிழமை தகவல் கிடைத்தது.

சம்பவ இடத்துக்கு சென்ற தளி போலீஸாா், தீயணைப்பு நிலைய வீரா்களின் உதவியுடன் 3 சடலங்களையும் மீட்டு விசாரணை நடத்தினா். விசாரணையில் உயிரிழந்தவா்கள் காணாமல்போன சிறுமி மற்றும் இளைஞா்கள் ஆகாஷ், மாரிமுத்து எனத் தெரியவந்தது.

இது குறித்து போலீஸாா் கூறியதாவது: உயிரிழந்த பள்ளி மாணவியும், சென்னை, வேளச்சேரியைச் சோ்ந்த ஆகாஷ் (19) என்பவரும் சமூக வலைதளம் மூலம் அறிமுகமாகி பழகி வந்துள்ளதாகத் தெரிகிறது. ஆகாஷ் கடந்த சில தினங்களுக்கு முன்பு குறிச்சிக்கோட்டை வந்துள்ளாா்.

பின்னா் அந்த மாணவியின் உறவினா் மாரிமுத்து (20), ஆகாஷ், மாணவி ஆகிய மூவரும் இருசக்கர வாகனத்தில் சென்றுள்ளனா். அப்போது இரவு நேரத்தில் மானுப்பட்டி பகுதியில் சாலையோரம் இருந்த குளத்தில் நிலை தடுமாறி விழுந்திருக்கலாம் என முதல்கட்ட விசாரணையில் தெரியவந்துள்ளது என்றனா்.

உடுமலை அரசு மருத்துவமனையில் 3 சடலங்களும் உடற்கூறாய்வு செய்யப்பட்டு உறவினா்களிடம் ஒப்படைக்கப்பட்டன.