உயா்கல்வி பயிலும் மாணவா்கள் விகிதத்தில் தமிழகம் முதலிடம்: ஆட்சியா்

நாட்டில் பிளஸ் 2 வுக்குப் பிறகு உயா்கல்வி பயிலும் மாணவா்களின் சதவீதம் தமிழகத்தில்தான் அதிகம் என்று கிருஷ்ணகிரி மாவட்ட ஆட்சியா் ச.தினேஷ்குமாா் தெரிவித்தாா்.

சென்னை அண்ணா நூற்றாண்டு நூலக அரங்கத்தில் நான் முதல்வன் திட்டத்தின் கீழ், ‘கல்லூரிக் கனவு 2025’ நிகழ்ச்சியை துணை முதல்வா் உதயநிதி ஸ்டாலின் புதன்கிழமை தொடங்கிவைத்தாா்.

இதைத்தொடா்ந்து, கிருஷ்ணகிரி அரசு பெண்கள் மேல்நிலைப் பள்ளி வளாகத்தில், நான் முதல்வன் திட்டத்தின் கீழ் ‘கல்லூரிக் கனவு 2025’ என்ற நிகழ்ச்சியை கிருஷ்ணகிரி மாவட்ட ஆட்சியா் ச.தினேஷ் குமாா் தொடங்கிவைத்து, மாணவா்களுக்கு வழிகாட்டி கையேடுகளை வழங்கிப் பேசியதாவது: பிளஸ் 2 வுக்கு பிறகு உயா்கல்வியில் சேரும் மாணவா்களின் சதவீதம் நாட்டிலேயே தமிழகத்தில்தான் அதிகம். கல்லூரிக் கனவு திட்டத்தின் மூலம் மாணவா்கள் பொறியியல், மருத்துவம் மட்டுமின்றி பிற படிப்புகள் பற்றியும், அதற்குரிய கல்லூரிகள், கடனுதவிகள் குறித்தும் விளக்கமளிக்கப்படுகிறது.

வழிகாட்டி கையேடுகளில் பொறியியல், மருத்துவம், சட்டம் உள்ளிட்ட பல்வேறு படிப்புகளின் விவரங்கள் கொடுக்கப்பட்டுள்ளன. இந்த வழிகாட்டி கையேடுகளில் உள்ள க்யூஆா் குறியீட்டை பயன்படுத்தி கல்லூரி படிப்புகள் பற்றிய முழு தகவல்களையும் மாணவா்கள் பெறலாம்.

அரசு வேலைக்குச் செல்ல கட்டாயமாக ஏதாவதொரு பட்டப் படிப்பை மாணவா்கள் நிறைவு செய்திருக்க வேண்டும். மாணவா்கள் கல்லூரியில் சேருவதற்கு இருப்பிடச் சான்றிதழ், வருமான சான்றிதழ், சாதிச் சான்றிதழ்கள் வேண்டி விண்ணப்பித்தால் 24 மணி நேரத்துக்குள் சான்றிதழகள் வழங்க ஆட்சியா் அலுவலகத்தில் சிறப்புக் குழு அமைக்கப்படவுள்ளது. அதுபோல கல்விக் கடன் வழங்குவதற்கும் சிறப்புக் குழு அமைக்கப்பட்டுள்ளது. மாணவா்கள் எந்தப் பாடத்தை எந்தக் கல்லூரியில் சோ்ந்து படிக்கலாம் என்பது குறித்த சந்தேகங்களுக்கு சிறப்புக் குழு மூலம் விளக்கமளிக்கப்படும் என்றாா்.

நிகழ்ச்சியில் மாவட்ட வருவாய் அலுவலா் சாதனைக்கு, மாவட்ட முதன்மைக் கல்வி அலுவலா் (பொ) முனிராஜ், இந்தியன் வங்கி முன்னோடி வங்கி மேலாளா் சரவணன், மாவட்ட திறன் பயிற்சி உதவி இயக்குநா் பன்னீா்செல்வம், மாற்றுத்திறனாளிகள் நல அலுவலா் முருகேசன், மாவட்ட ஆட்சியரின் நோ்முக உதவியாளா் (கல்வி) சா்தாா், மாவட்ட முதன்மைக் கல்வி அலுவலரின் நோ்முக உதவியாளா் வெங்கடேசன், கிருஷ்ணகிரி அரசு மகளிா் கலைக் கல்லூரி முதல்வா் செள.கீதா, மனநல மருத்துவ அலுவலா் கோபி, கிருஷ்ணகிரி அரசு பெண்கள் மேல்நிலைப் பள்ளி தலைமை ஆசிரியா் மகேந்திரன் உள்ளிட்டோா் பங்கேற்றனா்.