பல்லடம் அருகே கேத்தனூரில் உயிரிழந்த தனியாா் மில் தொழிலாளியின் குடும்பத்துக்கு வாழ்நாள் பென்ஷன் உத்தரவு சனிக்கிழமை வழங்கப்பட்டது.
பிகாா் மாநிலத்தைச் சோ்ந்தவா் அரவிந்த் மெஹ்தோ (21). இவா் பல்லடம் அருகே கேத்தனுாரில் உள்ள தனியாா் மில் ஒன்றில் தொழிலாளியாக வேலை பாா்த்து வந்தாா். கடந்த ஆண்டு நடந்த வாகன விபத்தில் அரவிந்த் மெஹ்தோ உயிரிழந்தாா்.
இ.எஸ்.ஐ. சட்டப்படி, காப்பீட்டாளராக உள்ள ஒருவா், பணியின்போது உயிரிழந்தால், அவரது பெற்றோா், மனைவி மற்றும் குழந்தைகளுக்கு வாழ்நாள் பென்ஷன் வழங்கப்படும். இதன்படி அரவிந்த் மெஹ்தோ குடும்ப உறுப்பினா்களுக்கு, மாதந்தோறும் ரூ.13,200 பென்ஷன் தொகை பிரித்து வழங்கப்படுகிறது.
இதற்கான பென்ஷன் ஆணை மற்றும் குடும்பத்தினருக்கு ரூ.1,24,520 உதவிப் பயன் தொகையை பல்லடம் இ.எஸ்.ஐ. கிளை மேலாளா் ராஜா வழங்கினாா். இந்நிகழ்வில் கிளை அலுவலா்கள் ஜெயக்குமாா், செளந்திரராஜ் ஆகியோா் கலந்து கொண்டனா்.
