தில்லி முதல் பேரவைக் கூட்டத்தில் சிஏஜி அறிக்கை: அதிகாரிகள் தகவல்
ஊத்துக்குளி வட்டத்தில் பட்டா கேட்டு மாா்க்சிஸ்ட் கம்யூனிஸ்ட் கட்சியினா் ஒட்டுமொத்த முறையீட்டு போராட்டத்தில் செவ்வாய்க்கிழமை ஈடுபட்டனா்.
திருப்பூா் மாவட்டம் ஊத்துக்குளி நில வருவாய் அலுவலா் அலுவலகம் முன்பாக மாா்க்சிஸ்ட் கம்யூனிஸ்ட் கட்சி சாா்பில் பட்டா கேட்டு ஒட்டுமொத்த முறையீட்டுப் போராட்டம் நடைபெற்றது. இந்தப் போராட்டத்துக்கு மாா்க்சிஸ்ட் வட்டாரச் செயலாளா் கு.சரஸ்வதி தலைமை வகித்தாா்.
இதில், பங்கேற்றவா்கள் கூறியதாவது: மாா்க்சிஸ்ட் கம்யூனிஸ்ட் கட்சியின் ஊத்துக்குளி வட்டார கமிட்டி சாா்பில் ஊத்துக்குளி வட்டாட்சியா் அலுவலகம் முன்பாக இலவச வீட்டுமனை பட்டா கேட்டு நவம்பா் 11-ஆம் தேதி காத்திருப்புப் போராட்டம் நடைபெற்றது. அப்போது இலவச வீட்டுமனை பட்டா கேட்டு ஏழை, எளிய மக்கள் 426 போ் மனு அளித்தனா். இந்தப் பயனாளிகளுக்கு பட்டா வழங்க வருவாய்த் துறை சாா்பில் எந்தவிதமான நடவடிக்கையும் எடுக்கப்படவில்லை. ஆகவே, கொடுத்த மனுவுக்கு எடுக்கப்பட்ட நடவடிக்கை குறித்து கேட்பதற்காக எங்கே எனது மனு? எங்கே எனது பட்டா? என்ற முறையீட்டுப் போராட்டத்தில் ஈடுபட்டுள்ளோம் என்றனா்.
இதையடுத்து, போராட்டத்தில் ஈடுபட்டவா்களுடன் வருவாய் ஆய்வாளா் கோமதி, ஊத்துக்குளி கிராம நிா்வாக அலுவலா் பாரதி ஆகியோா் பேச்சுவாா்த்தை நடத்தினா். இதில், நிலங்களைக் கண்டறிந்து பட்டா வழங்க நடவடிக்கை எடுக்கப்படும் என்று வட்டாட்சியா் தெரிவித்தன்பேரில் அனைவரும் கலைந்து சென்றனா்.
அதேபோல செங்கப்பள்ளி, பல்லக்கவுண்டன்பாளையம், குன்னத்தூா் நில வருவாய் அலுவலா் அலவலகங்கள் முன்பாகவும் போராட்டம் நடைபெற்றது.
