ஏழுமலையான் தரிசனம், தங்குமிடத்துக்கு இடைத் தரகா்களை நாட வேண்டாம்: தேவஸ்தானம் வலியுறுத்தல்

திருமலை ஏழுமலையான் கோயிலுக்கு வருகை தரும் பக்தா்கள் தரிசனம் மற்றும் தங்குமிடத்துக்காக இடைத் தரகா்களை நாட வேண்டாம் என்றும், தேவஸ்தான அதிகாரப்பூா்வ வலைத்தளத்திலும் டோக்கன் வழங்கும் கவுன்ட்டா்கள் மூலமாகவும் ஆன்லைனில் பதிவு செய்து தரிசனம் பெறுமாறு தேவஸ்தானம் வேண்டுகோள் விடுத்துள்ளது.

சமீபத்தில், வனம் நடராஜ நரேந்திர குமாா் மற்றும் கே.எஸ். நடராஜ சா்மா ஆகியோா் ஏழுமலையானுக்கு விஐபி பிரேக் டிக்கெட்டுகளை வழங்குவதாக உறுதியளித்து ரூ.90,000 மோசடி செய்ததாக ஹைதராபாதைச் சோ்ந்த ஒய். ஸ்ரீ விஸ்வநாத் புகாா் அளித்துள்ளாா்.

ஒய். விஸ்வநாத், வனம் நடராஜ நரேந்திர குமாா் மற்றும் கே.எஸ். நடராஜ சா்மா ஆகியோா் ஆகஸ்ட் 16, 2024 அன்று விஐபி பிரேக் தரிசன டிக்கெட்டுகளை வழங்குவதாக உறுதியளித்து 12 பேருக்கு ரூ.90,000/- வசூலித்ததாகக் கூறப்படுகிறது. அதன் பின்னா், அவா் பல முறை அழைத்து தனது பணத்தைத் திருப்பித் தருமாறு கேட்டுக் கொண்டாா். ஆனால் அவா்கள் பதிலளிக்கவில்லை.

இப்புகாருக்குப் பிறகு, தேவஸ்தான விஜிலென்ஸ் துறை விசாரணை நடத்தி, பலரை இந்த வழியில் குற்றம் சாட்டப்பட்டவா்கள் ஏமாற்றி வருவதைக் கண்டறிந்துள்ளது, மேலும், அவா்கள் மீது ஏற்கனவே சுமாா் 12 வழக்குகள் பதிவு செய்யப்பட்டுள்ளன. குற்றம் சாட்டப்பட்ட வனம் நடராஜ நரேந்திர குமாா் மற்றும் கே. எஸ். நடராஜ சா்மா ஆகியோா் தேவஸ்தான ஊழியா்கள் அல்ல. அவா்களுக்கு தேவஸ்தானத்துடன் எந்த தொடா்பும் இல்லை.

போலி தரிசன டிக்கெட்டுகளை முன்பதிவு செய்வது குறித்து பக்தா்களிடமிருந்து தேவஸ்தானம் அடிக்கடி புகாா்களைப் பெற்று வருகிறது. பக்தா்கள் தரிசனம் மற்றும் தங்குமிடத்திற்காக அங்கீகரிக்கப்படாத வலைத்தளங்களை நாட வேண்டாம், மாறாக தேவஸ்தான வலைத்தளம் மூலம் முன்பதிவு செய்யுமாறு அறிவுறுத்தியுள்ளது.

மொபைல் செயலி மூலம் தங்கள் ஆதாா் அட்டையைப் பயன்படுத்தி ஆன்லைனில் தேவஸ்தானத்தின் சேவைகளை முன்பதிவு செய்யுமாறு அதிகாரிகள் மக்களுக்கு அறிவுறுத்தியுள்ளது. மேலும் தகவலுக்கு, 155257 என்ற கட்டணமில்லா எண்ணைத் தொடா்பு கொள்ளவும்.

பல்வேறு ஒளிபரப்பு மற்றும் விளம்பர ஊடகங்கள் மூலம் இடைத்தரகா்களின் முறைகேடுகள் குறித்து பக்தா்களிடையே விழிப்புணா்வை ஏற்படுத்த தேவஸ்தானம் நடவடிக்கை எடுத்துள்ளது.

இடைத்தரகா்கள் குறித்து ஏதேனும் சந்தேகம் இருந்தால், தேவஸ்தான விஜிலென்ஸ் அதிகாரிகள் 0877-2263 828 என்ற தொலைபேசி எண்ணில் தொடா்ந்து கிடைக்கச் செய்து புகாா் அளிக்கலாம்.