ஒட்டன்சத்திரத்தில் பைக்குகள் திருட்டு

ஒட்டன்சத்திரத்தில் வீட்டு முன் நிறுத்திருந்த இரு சக்கர வாகனங்களை திருடிச் சென்றவா்களை போலீஸாா் தேடி வருகின்றனா்.

ஒட்டன்சத்திரம் காந்திநகா் காளியம்மன் கோவில் தெருவைச் சோ்ந்தவா் பிரதாப் (30). இவா் தனது 2 இரு சக்கர வாகனங்களை சனிக்கிழமை இரவு வீட்டின் முன் நிறுத்திவிட்டு தூங்கச் சென்றாா். ஞாயிற்றுக்கிழமை காலை பாா்த்த போது அந்த 2 இரு சக்கர வாகனங்களும் திருடப்பட்டிருந்தன.

இதுகுறித்து ஒட்டன்சத்திரம் காவல் நிலைய போலீஸாா் வழக்குப்பதிந்து விசாரித்தனா். அப்போது அந்தப் பகுதியில் இருந்த கண்காணிப்பு கேமராவில் பதிவான காட்சிகளை ஆய்வு செய்ததில் 2 சிறுவா்கள் அந்த இரு சக்கர வாகனங்களை திருடிச் சென்றது தெரியவந்தது. இதையடுத்து அவா்களை போலீஸாா் தேடி வருகின்றனா்.