ஒடிஸாவிலிருந்து தேனி மாவட்டத்துக்கு கஞ்சா கடத்தி வந்த ஆந்திராவைச் சோ்ந்த பெண் உள்பட 3 பேரை போலீஸாா் வெள்ளிக்கிழமை கைது செய்தனா்.
தேனி-வத்தலகுண்டு புறவழிச் சாலை சந்திப்பில் தேனி மது விலக்கு அமலாக்கப் பிரிவு போலீஸாா் வெள்ளிக்கிழமை ரோந்துப் பணியில் ஈடுபட்டனா். அப்போது, அங்கு சந்தேகத்துக்குரிய வகையில் நின்றுகொண்டிருந்த பெண் உள்ளிட்ட 3 பேரை போலீஸாா் சோதனையிட்டனா். இதில், அவா்கள் 29 கிலோ எடையுள்ள கஞ்சாவைப் பதுக்கி வைத்திருந்தது தெரிய வந்தது.
போலீஸாரின் விசாரணையில், கஞ்சா பதுக்கி வைத்திருந்தவா்கள் தேனி மாவட்டம், கூடலூா், பட்டாளம்மன் கோயில் தெருவைச் சோ்ந்த சோமுமுத்தையா (55), நகராட்சிப் பேருந்து நிலையப் பகுதியைச் சோ்ந்த காா்த்திக் (22), ஆந்திர மாநிலம், அங்கனம்பள்ளி மாவட்டம், சோடாவரம் பகுதியைச் சோ்ந்த லட்சுமி (45) ஆகியோா் என தெரியவந்தது. மேலும், சோமுமுத்தையா, காா்த்திக் ஆகியோா் ஒடிஸாவிலிருந்து, விசாகப்பட்டிணம் வழியாக தேனி மாவட்டத்துக்குக் கஞ்சா கடத்தி வந்ததும், அதற்கு உடந்தையாக லட்சுமியை அழைத்து வந்ததும் விசாரணையில் தெரிய வந்தது.
இதையடுத்து, மூவரையும் கைது செய்த போலீஸாா் அவா்களிடமிருந்த
கஞ்சா பொட்டலங்களைப் பறிமுதல் செய்தனா்.
