``உண்மையில் இந்தியா - பாகிஸ்தான் மோதலை நான்தான் முடித்து வைத்தேன்; இதில்..'' - ம...
கோவை குனியமுத்தூா் அருகே கஞ்சா, போதைப்பொருள் விற்பனை செய்ததாக நிதி நிறுவன அதிபரை போலீஸாா் கைது செய்தனா்.
கோவை குனியமுத்தூா் பகுதியில் போலீஸாா் செவ்வாய்க்கிழமை ரோந்துப் பணியில் ஈடுபட்டிருந்தனா். அப்போது, கோவைப்புதூா் வட்டாரப் போக்குவரத்து அலுவலகம் அருகே சந்தேகம் ஏற்படும்படி நின்றிருந்த ஒருவரைப் பிடித்து விசாரணை மேற்கொண்டனா். அவா் முன்னுக்குப் பின் முரணாகப் பேசியதால், அவரிடம் சோதனை மேற்கொண்டனா். அதில், அவா் கஞ்சா விற்பனையில் ஈடுபட்டது தெரிய வந்தது.
இதையடுத்து, கஞ்சா விற்றதாக திண்டுக்கல் மாவட்டம், ஒட்டன்சத்திரம் அருகே துப்பச்சம்பட்டியைச் சோ்ந்த சதீஷ்குமாா் (37) என்பவரைக் கைது செய்தனா். அவரிடம் இருந்து 525 கிராம் கஞ்சா, மெத்தபெட்டமைன் போதைப் பொருள் 0.700 கிராம், பணம், கைப்பேசி, காா் ஆகியவை பறிமுதல் செய்யப்பட்டன.
இதுகுறித்து போலீஸாா் கூறுகையில், கஞ்சா, போதைப்பொருள் விற்றதாக கைது செய்யப்பட்டவா் ஒட்டன்சத்திரத்தில் நிதி நிறுவனம் நடத்தி வந்துள்ளாா். அப்போது, போதைப் பொருள் விற்றால் அதிகமாக சம்பாதிக்கலாம் என்ற ஆசையில் கஞ்சா, போதைப்பொருள், போதை மாத்திரைகளை வாங்கி விற்பனை செய்து வந்துள்ளாா்.
