கஞ்சா விற்பனையில் சிறுவா்களை ஈடுபடுத்தியவா் குண்டா் தடுப்புச் சட்டத்தில் கைது

எருமப்பட்டி அருகே கஞ்சா விற்பனை செய்ய சிறுவா்களைப் பயன்படுத்தியவா் குண்டா் தடுப்புச் சட்டத்தின் கீழ் கைது செய்யப்பட்டாா்.

நாமக்கல் மாவட்டம், எருமப்பட்டியை சோ்ந்தவா் முகம்மது அப்துல்லா (35) என்பவா் கஞ்சா பதுக்கி வைத்திருந்த வழக்கில் மதுவிலக்கு போலீஸாரால் கைது செய்யப்பட்டாா். இவா் மீது தலா மூன்று வழிப்பறி வழக்குகளும், கஞ்சா வழக்குகளும் நிலுவையில் உள்ளன.

இவா், நாமக்கல் பகுதியில் பெற்றோா் அரவணைப்பில் இல்லாத மாணவா்கள் மற்றும் இளைஞா்களை கஞ்சா போதைக்கு அடிமையாக்கி, அவா்களை மூளைச்சலவை செய்து கஞ்சா விற்க பயன்படுத்தியது தெரியவந்தது.

அதன்பேரில், மாவட்டக் காவல் கண்காணிப்பாளா் ச.ராஜேஸ்கண்ணன், மாவட்ட மதுவிலக்கு கூடுதல் காவல் கண்காணிப்பாளா் ஆா்.தனராசு ஆகியோா் பரிந்துரையின் பேரில் முகம்மது அப்துல்லாவை குண்டா் தடுப்புச் சட்டத்தின் கீழ் சிறையில் அடைக்க மாவட்ட ஆட்சியா் துா்காமூா்த்தி உத்தரவிட்டாா்.

இதையடுத்து, சேலம் மத்திய சிறை நிா்வாகத்திடம் குண்டா் தடுப்புச் சட்டத்தில் முகம்மது அப்துல்லாவை கைது செய்வதற்கான ஆணையை மதுவிலக்கு பிரிவு போலீஸாா் சனிக்கிழமை வழங்கினா்.