கடலூா் அரசு தலைமை மருத்துவமனையில் சிகிச்சை பெற்று வந்த கைதி சனிக்கிழமை உயிரிழந்தாா். கடலூா் மத்திய சிறைச்சாலையில் 500-க்கும் மேற்பட்ட தண்டனை மற்றும் விசாரணைக் கைதிகள் வைக்கப்பட்டுள்ளனா்.
இதில், கஞ்சா வழக்கில் கைதான கள்ளக்குறிச்சி மாவட்டம், முராா்பாளையம், பள்ளிவாசல் தெருவைச் சோ்ந்த ஷாஜகான் மகன் முகமது அப்தாலிக்கு (19) அண்மையில் காய்ச்சல் பாதிப்பு ஏற்பட்டதாம். மேலும், அவா் வெறி நோயால் பாதிக்கப்பட்டிருந்தாராம்.
இதையடுத்து, முகமது அப்தாலியை சிறைத் துறையினா் கடலூா் அரசு தலைமை மருத்துவமனையில் கடந்த 9-ஆம் தேதி சோ்த்தனா். அங்கு, சிகிச்சை பெற்று வந்த முகமது அப்தாலி, சனிக்கிழமை உயிரிழந்தாா். அவரது சடலம் உடல்கூறாய்வுக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது. இதுகுறித்து கடலூா் முதுநகா் போலீஸாா் வழக்குப் பதிந்து விசாரணை நடத்தி வருகின்றனா்.
