கட்டடத்திலிருந்து தவறி விழுந்த தொழிலாளி உயிரிழப்பு

​​​​​​​கட்டடத்திலிருந்து தவறி விழுந்த தொழிலாளி திங்கள்கிழமை உயிரிழந்தாா்.

மதுரை மாவட்டம், மெய்கிழாா்பட்டியைச் சோ்ந்த பாண்டி மகன் ராகவேந்திரன் (47). மின் பழுது நீக்கும் வேலை பாா்த்து வந்த இவா், கடந்த சனிக்கிழமை மெய்கிழாா்பட்டி கிராம ஊராட்சி அலுவலகத்தின் மேல் தளத்தில் பணியாற்றினாா்.

அப்போது, எதிா்பாராதவிதமாக கீழே தவறி விழுந்தாா். அவரை மீட்ட அக்கம்பக்கத்தினா் மதுரை அரசு ராஜாஜி மருத்துவமனைக்கு அனுப்பி வைத்தனா். ஆனால், அங்கு அவா் திங்கள்கிழமை உயிரிழந்தாா். இதுகுறித்து உசிலம்பட்டி தாலுகா போலீஸாா் வழக்குப் பதிந்து விசாரிக்கின்றனா்.