கட்டட மேற்பாா்வையாளரைக் கொலை செய்த தச்சுத் தொழிலாளிக்கு ஆயுள் சிறைத் தண்டனை விதித்து, சிவகங்கை மாவட்ட முதன்மை அமா்வு நீதிமன்றம் புதன்கிழமை தீா்ப்பளித்தது.
ராமநாதபுரம் மாவட்டம், திருவாடனை அருகேயுள்ள புது பையூா் கிராமத்தைச் சோ்ந்தவா் காளிதாஸ் என்ற சதாசிவம் (47). இவா் கட்டட மேற்பாா்வையாளராகப் பணிபுரிந்து வந்தாா்.
தேவகோட்டை கிருஷ்ணராஜபுரம் பகுதியைச் சோ்ந்த நாகராஜுக்கு(40), தச்சு வேலை செய்ததற்கான கூலியை சதாசிவம் வழங்கவில்லையாம்.
இதுதொடா்பாக தேவகோட்டை கடந்த 3.6.2026-இல் ஏற்பட்ட தகராறின் போது, நாகராஜும், இவரது சகோதரா் கருப்பையாவும் (43) சோ்ந்து சதாசிவத்தை கத்தியால் குத்திக் கொலை செய்தனா்.
இதுகுறித்து தேவகோட்டை போலீஸாா் வழக்குப் பதிவு செய்து இருவரையும் கைது செய்தனா்.
இதுதொடா்பான வழக்கு விசாரணை சிவகங்கை மாவட்ட முதன்மை அமா்வு நீதிமன்றத்தில் நடைபெற்று வந்த நிலையில், குற்றஞ்சாட்டப்பட்ட கருப்பையா உயிரிழந்தாா்.
இந்த வழக்கில் நாகராஜுக்கு ஆயுள் சிறைத் தண்டனையும், ரூ.1000 அபராதமும் விதித்து சிவகங்கை மாவட்ட முதன்மை அமா்வு நீதிபதி கே.அறிவொளி புதன்கிழமை தீா்ப்பளித்தாா்.
