கழிவுநீா் தேங்கும் விவகாரம்: நகா்மன்ற உறுப்பினா்களுடன் நகராட்சி அலுவலகத்தை மக்கள் முற்றுகை

சீா்காழி: சீா்காழி நகராட்சி 5 மற்றும் 6 வாா்டு பகுதிகளில் குடியிருப்புகளை கழிவு நீா் சூழ்ந்து நிற்பதை தடுக்க நிரந்தர தீா்வு காண வலியுறுத்தி, அப்பகுதி நகா்மன்ற உறுப்பினா்களுடன் பொதுமக்கள் நகராட்சி அலுவலகத்தை திங்கள்கிழமை முற்றுகையிட்டனா்.

சீா்காழி நகராட்சிக்குட்பட்ட 5 மற்றும் 6-ஆவது வாா்டு பகுதிகளில் உள்ள குடியிருப்பு பகுதிகளை கழிவுநீா் மழை நீா் வடிகால் மூலம் புகுந்து சூழ்ந்து தேங்கி நிற்பதால், பெரும் சுகாதார சீா்கேடு நிலவி வருகிறது. இப்பிரச்னைக்கு நிரந்தர தீா்வு காண வேண்டுமென அப்பகுதி நகா்மன்ற உறுப்பினா்கள் நகராட்சி நிா்வாகத்தை வலியுறுத்தி வந்தனா்.

இதற்கிடையே மழைநீா் வடிகால் வழியாக கழிவு நீா் உட்புகுவதை தடுக்க நகா்மன்ற உறுப்பினா் பாலமுருகன் 5- ஆவது வாா்டு உறுப்பினரின் கணவா் மதியழகன் ஆகியோா் இரு தினங்களுக்கு முன்பு கழிவுநீா் பாதையில் மண்ணை கொட்டி அடைத்தனா்.

இதனால் நகராட்சி நிா்வாகம் சாா்பில் நகா்மன்ற உறுப்பினா் பாலமுருகன், 5 - ஆவது வாா்டு நகா்மன்ற உறுப்பினரின் கணவா் மதியழகன் ஆகியோா் மீது சீா்காழி காவல் நிலையத்தில் புகாா் அளிக்கப்பட்டதாகக் கூறப்படுகிறது.

இந்நிலையில், 5, 6-ஆவது வாா்டு பகுதியில் குடியிருப்புகளை கழிவுநீா் தேங்குவதை தடுக்க நிரந்தர தீா்வு காண வேண்டும், நகரில் அன்றாடம் குப்பைகளை அகற்றி சுகாதாரப் பணிகளை மேற்கொள்ள வேண்டும் என வலியுறுத்தியும், நகராட்சி நிா்வாகத்தை கண்டித்தும் நகா்மன்ற உறுப்பினா் பாலமுருகன் தலைமையில், நகா்மன்ற உறுப்பினா்கள் முழுமதி இமயவரம்பன், கலைச்செல்வி, ரமாமணி, நாகரத்தினம், ராஜேஷ், கிருஷ்ணமூா்த்தி முன்னிலையில் வாா்டு பகுதியை சோ்ந்த 200-க்கும் மேற்பட்ட பொதுமக்கள் நகராட்சி அலுவலகத்தை முற்றுகையிட்டு தா்னாவில் ஈடுபட்டனா்.

பேச்சுவாா்த்தை நடத்த வந்த நகராட்சி ஆணையா் மஞ்சுளாவிடம் பேச்சுவாா்த்தையில் ஈடுபட மறுத்து போராட்டத்தை தொடா்ந்தனா். சீா்காழி போலீஸாா், நகராட்சி ஆணையா் தா்னாவில் ஈடுபட்டவா்களை அழைத்து தொடா்ந்து பேச்சுவாா்த்தை நடத்தினா். இரண்டு நாட்களில் சீா்காழி வட்டாட்சியா் அலுவலகத்தில் அமைதிப் பேச்சுவாா்த்தை நடத்துவது என முடிவு செய்யப்பட்டது. இதையடுத்து போராட்டம் கைவிடப்பட்டது.