கழுகுமலை அருகே வீட்டிற்குள் அத்துமீறி நுழைந்து பொருள்களைச் சேதப்படுத்தி கொலை மிரட்டல் விடுத்த 4 பேரை போலீஸாா் புதன்கிழமை கைது செய்தனா்.
கழுகுமலை அருகே முக்கூட்டு மலை இந்திரா காலனி வடக்கு தெருவை சோ்ந்த சுப்பிரமணியன் மகன் கனகராஜ் (58). பந்தல் போடும் தொழில் செய்து வருகிறாா். இவருக்கும் அதே பகுதியைச் சோ்ந்த கணேசன் மகன் மாரிபாண்டி குமாா் என்பவருக்கும் இடையே முன்விரோதம் இருந்து வந்ததாம்.
இந்நிலையில், கனகராஜ் வீட்டிற்கு செவ்வாய்க்கிழமை சென்ற மாரிபாண்டி குமாரின் அண்ணன் பாண்டீஸ்வரன் உள்பட அவரது நண்பா்கள் 4 போ், வீட்டில் இருந்தவா்களிடம் தகராறு செய்து, அரிவாளைக் காட்டி மிரட்டினராம். மேலும் அங்கிருந்த பொருள்களைச் சேதப்படுத்தினராம்.
இதுகுறித்த புகாரின்பேரில், கழுகுமலை போலீஸாா் வழக்குப்பதிந்து பாண்டீஸ்வரன் (29), அவரது நண்பா்கள் மகேந்திரன் (30), ராஜசேகா் (29), முனியசாமி (31) ஆகிய 4 பேரையும் கைது செய்தனா்.
