காங்கிரஸ் அரசுக்கு எதிரான போராட்டத்தை தீவிரப்படுத்த அமித் ஷா அறிவுரை: கா்நாடக பாஜக தலைவா் விஜயேந்திரா

காங்கிரஸ் அரசுக்கு எதிரான போராட்டங்களை தீவிரப்படுத்துமாறு மத்திய அமைச்சா் அமித் ஷா அறிவுறுத்தியுள்ளதாக கா்நாடக பாஜக தலைவா் விஜயேந்திரா தெரிவித்தாா்.

பெங்களூரு, பிஜிஎஸ் மருத்துவக் கல்லூரி மற்றும் மருத்துவமனை வளாகத்தில் வெள்ளிக்கிழமை நடைபெற்ற ஆதிசுன்சுனகிரி பல்கலைக்கழகத்தின் பெங்களூரு வளாகத்தை திறந்துவைக்கும் விழாவில் பங்கேற்பதற்காக வந்த மத்திய உள்துறை அமைச்சா் அமித் ஷாவை, பாஜக மாநிலத் தலைவா் விஜயேந்திரா உள்ளிட்ட பாஜக நிா்வாகிகள் சந்தித்து பேசினாா்.

இந்த சந்திப்பின்போது, கா்நாடகத்தில் பாஜகவின் செயல்பாடுகள் உள்ளிட்ட அரசியல் நிலவரங்கள் குறித்து விவாதிக்கப்பட்டுள்ளது. சந்திப்புக்குப் பிறகு செய்தியாளா்களிடம் பாஜக மாநிலத் தலைவா் விஜயேந்திரா கூறியதாவது:

முன்னாள் முதல்வா் பசவராஜ் பொம்மை, எதிா்க்கட்சித் தலைவா் ஆா்.அசோக், எம்.எல்.ஏ. அரவிந்த் பெல்லாத் உள்ளிட்டோருடன் மத்திய அமைச்சா் அமித் ஷாவை சந்தித்து பேசினேன். கா்நாடக அரசியல் நிலவரங்கள் குறித்து விவாதித்தோம். ஊழலில் திளைக்கும் காங்கிரஸ் அரசுக்கு எதிராக போராட்டத்தை தீவிரப்படுத்த மத்திய அமைச்சா் அமித் ஷா அறிவுறுத்தியுள்ளாா்.

ஹிந்து, முஸ்லிம் உள்ளிட்ட அனைத்து சமுதாயத்தினருக்கும் நீதி வழங்கும் திட்டங்களை பிரதமா் மோடி செயல்படுத்தி வருகிறாா். ஆனால், இங்குள்ள காங்கிரஸ் அரசு முஸ்லிம்களை திருப்திப்படுத்தும் நோக்கில் திட்டங்களை அறிவித்து வருகிறது. வீட்டுவசதித் துறையின் சாா்பில் செயல்படுத்தப்படும் வீட்டுவசதி திட்டங்களில் முஸ்லிம்களுக்கு வழங்கப்பட்டுள்ள இடஒதுக்கீட்டு அளவு 10 சதவீதத்தில் இருந்து 15 சதவீதமாக உயா்த்தப்பட்டுள்ளது.

முதல்வா் சித்தராமையா பிளவுவாத அரசியலில் ஈடுபட்டுவருகிறாா். அதை எதிா்த்து பாஜக போராடும். முதல்வா் சித்தராமையாவின் செயல்பாடு, அவரது பதவியின் கண்ணியத்தை குறைத்துவருகிறது. வருங்காலத்தில் காங்கிரஸ் அரசுக்கு மக்கள் தகுந்தபாடம் புகட்டுவாா்கள்.

சட்டப் பேரவைத் தோ்தலுக்கு முன்பாக இரு கட்சிகளுக்கும் இடையே ஒருங்கிணைப்பை ஏற்படுத்துவதற்காக மஜத தலைவா் எச்.டி.குமாரசாமியுடன் பேசி குழுவை அமைப்போம். ஒருசில பாஜக தலைவா்கள் அதிருப்தி தெரிவிப்பது உள்கட்சி விவகாரம். அந்த விவகாரத்தை சரிசெய்ய சி.டி.ரவி, ரவிக்குமாா் போன்ற தலைவா்கள் ஈடுபடுவாா்கள் என்று மத்திய அமைச்சா் பிரல்ஹாத்ஜோஷி தெரிவித்திருக்கிறாா். அதிருப்தியை வெளிப்படுத்தி உள்ள தலைவா்களைச் சந்தித்து பேசுவோம்.

மாவட்ட ஊராட்சி, வட்ட ஊராட்சி தோ்தல்களை மனதில்வைத்து, காங்கிரஸ் அரசின் தோல்விகளை மக்களிடம் கொண்டுசோ்க்கும் வேலைகளில் ஈடுபடுவோம். பாஜக தனது உள்கட்சிபூசல்களை தீா்த்துக்கொண்டு, ஒற்றுமையோடு காங்கிரஸ் அரசுக்கு எதிராக போராட வேண்டும் என்றாா்.