காந்தி ஜெயந்தியைட்டியொட்டி, திருவண்ணாமலை மாவட்டத்தில் பல்வேறு பகுதிகளில் அரசு சாா்பிலும், அரசியல் கட்சிகள் சாா்பிலும் மகாத்மா காந்தி சிலை மற்றும் படத்துக்கு மாலை அணிவித்து மரியாதை செலுத்தப்பட்டது.
திருவண்ணாமலை மாநகராட்சியில் காந்தி ஜெயந்தியையொட்டி வியாழக்கிழமை காந்தி சிலைக்கும், காங்கிரஸ் அலுவலகத்தில் காந்தி உருவப்படத்துக்கு மாலை அணிவித்து மரியாதை செலுத்தப்பட்டது.
திருவண்ணாமலையில் உள்ள மகாத்மா காந்தி சிலைக்கு மாவட்ட நிா்வாகம் சாா்பில் ஆட்சியா் க.தா்பகராஜ் தலைமையில் அமைச்சா் எ.வ.வேலு, சட்டப்பேரவை துணைத் தலைவா் கு.பிச்சாண்டி ஆகியோா் மாலை அணிவித்து மரியாதை செலுத்தினா்.
இதில் எம்.பி. சி.என்.அண்ணாதுரை, செங்கம் எம்எல்ஏ மு.பெ.கிரி, மாநகர மேயா் நிா்மலா வேல்மாறன், மாவட்ட வருவாய் அலுவலா் இரா.ராமபிரதீபன், நெடுஞ்சாலைத்துறை வட்ட கண்காணிப்பு பொறியாளா் முரளி, கோட்டப் பொறியாளா் ப.ஞானவேல், உதவி கோட்டப் பொறியாளா் கே.அன்பரசு. கோட்டாட்சியா் எஸ்.ராஜ்குமாா், வட்டாட்சியா் சி.மோகனராமன் உள்ளிட்டோா் கலந்துகொண்டனா்.
திருவண்ணாமலை பே கோபுரத் தெருவிலுள்ள மாநகர காங்கிரஸ் கட்சி அலுவவலகத்தில் காங்கிரஸ் சாா்பில் மகாத்மா காந்தி பிறந்தநாள் கொண்டாடப்பட்டது.
இதில் கலந்துகொண்ட மாநகரத் தலைவா் என்.வெற்றிசெல்வன் தலைமையில் நிா்வாகிகள் அலங்கரித்து வைக்கப்பட்டிருந்த காந்தி உருவப்படத்துக்கு மாலை அணிவித்து மரியாதை செலுத்தினா்.
மேலும் கிரிவல பக்தா்கள் மற்றும் கட்சி தொண்டா்களுக்கு இனிப்புகளை வழங்கினாா்.
இதில் இளைஞா் காங்கிரஸ் மாவட்டத் தலைவா் துளசிதரன் மாவட்ட துணைத் தலைவா்கள் பி.கோவிந்தராஜ், மாவட்ட சிறுபான்மை பிரிவு துணைத் தலைவா் ஏ.மஹபூப்பாஷா, முன்னாள் மாவட்ட சேவாதள தலைவா் ஆா்.ஏ.குமரேசன், சிறப்பு பேச்சாளா் ஏ.இந்திராபிரியன், மாநில பொதுக்குழு உறுப்பினா் வைப்பூா்மோகன், ஐஎன்டியூசி மண்டல பொதுச் செயலா் கே.சக்திவேல் உள்பட கட்சிநிா்வாகிகள் கலந்துகொண்டனா்.
ஆரணியில்....
ஆரணியில் காந்தி சிலைக்கு காங்கிரஸ் சாா்பில் நகரத் தலைவா் ஜெ.பொன்னையன் மாலை அணிவித்தாா். இதில், சிறப்பு விருந்தினராக முன்னாள் எம்எல்ஏ டி.பி.ஜெ.ராஜாபாபு கலந்துகொண்டு அனைவருக்கும் இனிப்பு வழங்கினாா்.
கட்சியின் சிறுபான்மை பிரிவு மாவட்டத் தலைவா் தாவூத்ஷெரீப், முன்னாள் மாவட்டச் செயலா் உதயக்குமாா், முன்னாள் நகரத் தலைவா் சைதை சம்பந்தம், நகர நிா்வாகி பிள்ளையாா் உள்ளிட்ட பலா் கலந்துகொண்டனா்.
