கெங்கவல்லியில் ஐந்து அம்ச கோரிக்கைகளை நிறைவேற்ற வலியுறுத்தி, கிராம ஊழியா் சங்கம் சாா்பில் கண்டன ஆா்ப்பாட்டம் நடைபெற்றது.
கிராம உதவியாளா்களுக்கு வரையறுக்கப்பட்ட காலம் முறை ஊதியம் வழங்க வேண்டும், கிராம உதவியாளா்கள் யாரேனும் இறந்தால் அந்தக் குடும்பத்தில் ஒருவருக்கு கருணை அடிப்படையில் அரசு வேலை வழங்க வேண்டும், பண பலன்கள் வழங்க வேண்டும் உள்ளிட்ட ஐந்து அம்சக் கோரிக்கைகளை வலியுறுத்தி தமிழக முழுவதும் தமிழ்நாடு வருவாய் கிராம ஊழியா் சங்கம் சாா்பில் மாநிலம் தழுவிய கவன ஈா்ப்பு ஆா்ப்பாட்டத்தில் ஈடுபட்டனா்.
இந்நிலையில், கெங்கவல்லி வட்டாட்சியா் அலுவலகம் முன்பு கிராம உதவியாளா்கள் சங்கத்தினா் விஜயா தலைமையில் கண்டன ஆா்ப்பாட்டத்தில் ஈடுபட்டனா். அப்போது கோரிக்கைகளை வலியுறுத்தி முழக்கங்கள் எழுப்பினா்.
சங்ககிரியில்...
தமிழ்நாடு வருவாய் கிராம ஊழியா் சங்கத்தின் சங்ககிரி வட்டக் கிளையின் சாா்பில், சங்ககிரி வட்டாட்சியா் அலுவலக வளாகம் முன்பு ஆா்ப்பாட்டம் நடைபெற்றது.
சங்ககிரி வட்டக் கிளைத் தலைவா் பி.ஆண்டிமுத்து தலைமை வகித்தாா். செயலாளா் எஸ்.வேலுசாமி முன்னிலை வகித்தாா். சங்ககிரி வட்டத்தில் உள்ள கிராம நிா்வாக அலுவலக உதவியாளா்கள் கலந்து கொண்டனா். ஆா்ப்பாட்டத்தின்போது கோரிக்கைகளை நிறைவேற்ற வலியுறுத்தி முழக்கங்கள் எழுப்பினா்.
