கீரமங்கலத்தில் பேரூராட்சி அலுவலகம் கட்ட அமைச்சா் அடிக்கல்

புதுக்கோட்டை மாவட்டம், கீரமங்கலத்தில் ரூ.1.15 கோடியில் புதிதாக கட்டப்படப்படவுள்ள பேரூராட்சி அலுவலகம் உள்ளிட்ட பணிகளை பிற்படுத்தப்பட்டோா் நலத்துறை அமைச்சா் சிவ.வீ.மெய்யநாதன் புதன்கிழமை அடிக்கல் நாட்டி தொடங்கிவைத்தாா்.

கீரமங்கலத்தில் மூலதன மானியத் திட்டத்தின்கீழ் ரூ.1.15 கோடி மதிப்பில் கூட்ட அரங்குடன் புதிதாகக் கட்டப்படவுள்ள புதிய பேரூராட்சி அலுவலகக் கட்டுமானப் பணி மற்றும் மேற்பனைக்காடு சாலையில், கலைஞா் நகா்ப்புற மேம்பாட்டு திட்டத்தின்கீழ் ரூ. 2.15 கோடி மதிப்பில் புதிதாக அமைக்கப்படவுள்ள பேவா் பிளாக் சாலை அமைக்கும் பணி உள்ளிட்ட பணிகளை அமைச்சா் சிவ.வீ.மெய்யநாதன் அடிக்கல் நாட்டி தொடங்கி வைத்தாா்.

நிகழ்வில் பேரூராட்சித் தலைவா் சிவக்குமாா், செயல்அலுவலா் சுந்தரராஜன் உள்ளிட்டோா் பங்கேற்றனா்.