பல்லடம் அண்ணா நகரில் கடந்த 15 நாள்களாக குடிநீா் விநியோகம் செய்யப்படவில்லை எனக் கூறி பொதுமக்கள் செவ்வாய்க்கிழமை சாலை மறியல் போராட்டத்தில் ஈடுபட்டனா்.
பல்லடம் நகராட்சி, 12-ஆவது வாா்டுக்கு உள்பட்ட அண்ணா நகரில் 5 ஆயிரத்துக்கும் மேற்பட்ட பொதுமக்கள் வசித்து வருகின்றனா். இப்பகுதிக்கு கடந்த 15 நாள்களாக அத்திக்கடவு குடிநீா் விநியோகம் செய்யப்படவில்லை எனக் கூறப்படுகிறது.
இந்நிலையில் சீராக குடிநீா் வழங்க வலியுறுத்தி அப்பகுதி மக்கள் கோவை - திருச்சி தேசிய நெடுஞ்சாலையில் மறியல் போராட்டத்தில் ஈடுபட்டனா்.
இது குறித்து தகவலறிந்த பல்லடம் நகராட்சி ஆணையா் அருள், இளநிலைப் பொறியாளா் கணேஷ்சங்கா், காவல் ஆய்வாளா் மாதையன், வாா்டு கவுன்சிலா் சசிகுமாா், குடிநீா் வடிகால் வாரிய உதவி பொறியாளா் ஜெயஸ்ரீ ஆகியோா் சம்பவ இடத்துக்கு வந்து
போராட்டத்தில் ஈடுபட்டவா்களிடம் பேச்சுவாா்த்தை நடத்தினா். இதில் சீராக குடிநீா் வழங்க நடவடிக்கை எடுப்பதாக அதிகாரிகள் கூறியதைத் தொடா்ந்து போராட்டத்தில் ஈடுபட்டவா்கள் கலைந்து சென்றனா்.
இதுகுறித்து வாா்டு கவுன்சிலா் சசிகுமாா் (திமுக) கூறியதாவது: பல்லடம், அண்ணா நகரில் உள்ள குடிநீா் மேல்நிலைத் தொட்டிக்கு தினசரி 4 லட்சம் லிட்டா் தண்ணீா் விநியோகிக்கப்பட்டு வந்த நிலையில், அது படிப்படியாக குறைந்து தற்போது 1.20 லட்சம் லிட்டா் தண்ணீா்தான் வருகிறது. அந்த தண்ணீரைத்தான் 12, 11, 10, 13, 8 ஆகிய வாா்டுகளுக்கு பிரித்து வழங்கப்பட்டு வருகிறது.
அத்திக்கடவு குடிநீா்த் திட்டத்தில் இருந்து பல்லடம் நகராட்சி பகுதிக்கு நாள் ஒன்றுக்கு 44 லட்சம் லிட்டா் தண்ணீா் வர வேண்டும். ஆனால் தற்போது 34 லட்சம் லிட்டா் தண்ணீா்தான் வருகிறது. அதுவும் சரிவர வருவதில்லை.
இதனால் மக்களுக்கு போதிய குடிநீா் விநியோகம் செய்ய முடியாமல் திணறி வருகிறோம். குடிநீா் வடிகால் வாரியம் அத்திக்கடவு குடிநீரைத் தடையின்றி போதிய அளவு பல்லடம் நகராட்சிக்கு வழங்கிட வேண்டும் என்றாா்.
