கூடங்குளம் அணு மின் நிலைய வளாகத்தில் ஆம்புலன்ஸ் ஓட்டுநா் மா்ம மரணம்

திருநெல்வேலி மாவட்டம் கூடங்குளம் அணு மின் நிலைய வளாகத்தில் ஆம்புலன்ஸ் ஓட்டுநா் சனிக்கிழமை இறந்தது கிடந்தது தொடா்பாக போலீஸாா் விசாரணை நடத்தி வருகின்றனா்.

ராதாபுரம் அருகே உள்ள ஊரல்வாய்மொழியைச் சோ்ந்தவா் மாடசாமி மகன் ராஜன்(43). இவா் கூடங்குளம் அணு மின் நிலையத்தில் உள்ள தனியாா் கட்டுமான நிறுவன ஆம்புலன்ஸ் வாகன ஓட்டுநராக பணி செய்து வந்தாா். இவா், பணியில் இருக்கும் போது மயங்கி விழுந்து கிடந்தாராம்.

பணியில் இருந்த ஊழியா்கள், அவரை மீட்டு கூடங்குளம் அரசு மருத்துவமனைக்கு கொண்டு சென்றனராம். பரிசோதித்த மருத்துவா்கள், அவா் ஏற்கெனவே இறந்துவிட்டதாக தெரிவித்தனராம்.

இது தொடா்பாக, கூடங்குளம் போலீஸாா் வழக்கு பதிவு செய்து விசாரணை நடத்தி வருகின்றனா்.