கூப்பர் கானோலி 5 விக்கெட்டுகள்: 276 ரன்கள் வித்தியாசத்தில் ஆஸி. வெற்றி!

தென்னாப்பிரிக்காவுக்கு எதிரான கடைசி ஒருநாள் போட்டியில் ஆஸ்திரேலிய அணி 276 ரன்கள் வித்தியாசத்தில் வென்றது.

ஆஸ்திரேலிய பந்துவீச்சாளர் கூப்பர் கானோலி 5 விக்கெட்டுகள் எடுத்து அசத்தினார்.

கடைசி போட்டியில் ஆஸி. பேட்டிங் செய்து 420 ரன்கள் குவித்தது. ஆஸி. சார்பில் டிராவிஸ் ஹெட் (142), மிட்செல் மார்ஷ் (100), கேமரூன் கிரீன் (118*) சதமடித்து அசத்தினார்கள்.

அடுத்து விளையாடிய தெ.ஆ. அணி 24.5 ஓவரில் 155 ரன்களுக்கு ஆல் அவுட்டானது. அதிகபட்சமாக டெவால்டு பிரெவிஸ் 49 ரன்கள் எடுத்தார்.

ஆஸி. சார்பில் கானோலி 5, பிராட்லெட், அப்பாட் தலா 2, ஸாம்பா 1 விக்கெட்டும் எடுத்தார்கள்.

டி20 தொடரை ஆஸி. 2-1 என வெல்ல, ஒருநாள் தொடரில் 2-1 என தெ.ஆ. வென்றது.

Australia won the last ODI against South Africa by 276 runs.