கோவை: திருமணம் மீறிய உறவில் பிறந்த குழந்தை விற்பனை; 7 பேர் கைது; வெளியான அதிர்ச்சி பின்னணி

கோவை மாவட்டம், காரமடை பகுதியைச் சேர்ந்தவர் சுனிதா (பெயர் மாற்றப்பட்டுள்ளது). இவருக்குத் திருமணமாகி ஏழு வயதில் பெண் குழந்தை உள்ளது. கணவருடன் ஏற்பட்ட கருத்து வேறுபாடு காரணமாக அவரைப் பிரிந்து தனியாக வாழ்ந்து வந்துள்ளார். அங்கு அருகிலிருந்த மோகன்ராஜ் என்பவருடன் சுனிதாவுக்குத் திருமணம் மீறிய உறவு ஏற்பட்டுள்ளது.

இதன் மூலம் அவர்களுக்குக் கடந்தாண்டு ஆண் குழந்தை பிறந்துள்ளது. திருமணம் மீறிய உறவில் பிறந்த குழந்தை என்பதால், மோகன்ராஜ் அந்தக் குழந்தையைச் சேலத்தைச் சேர்ந்த ஒரு கும்பலுக்கு ரூ.2 லட்சத்துக்கு விற்பனை செய்துள்ளார்.

சட்ட விரோதமாகக் குழந்தைகளை விற்பனை செய்யும் அந்த கும்பல் குழந்தையைக் கன்னியாகுமரியில் உள்ள ஒரு தம்பதிக்கு விற்பனை செய்துள்ளனர். ஆனால், குழந்தையை விற்பனை செய்ததில் சுனிதாவுக்கு உடன்பாடு இல்லை. இதுதொடர்பாக இருவருக்கும் மாறுபட்ட கருத்து ஏற்பட்டு வந்துள்ளது. ஒருகட்டத்தில் சுனிதா துடியலூர் காவல் நிலையத்தில் புகார் அளித்தார்.

அந்தப் புகாரின் அடிப்படையில் காவல்துறையினர் வழக்குப்பதிந்து விசாரணை மேற்கொண்டு வந்தனர். குழந்தைகள் உதவி மைய அதிகாரிகள் உதவியுடன் விசாரணை நடைபெற்றது.

அதில் குழந்தை சட்டவிரோதமாகக் கடத்தப்பட்டது உறுதி செய்யப்பட்டது. இதையடுத்து கோவை காவல்துறையினர் கன்னியாகுமரி சென்று ஆண் குழந்தையை மீட்டு வந்தனர். இதுதொடர்பாக சுனிதா, மோகன்ராஜ், ரஞ்சிதா, ஆர்த்தி, சுஜாதா, புகழாம்பாள், லில்லி, ஷோபனா ஆகியோரைக் கைது செய்து சிறையில் அடைத்தனர்.

கைது செய்யப்பட்டதில் 6 பேர் பெண்கள். தமிழகம் முழுவதும் நெட்வொர்க் வைத்து குழந்தைகளை விற்பனை செய்துவரும் இந்த கும்பலில் பெண்கள்தான் அதிகம் உள்ளனர். இதில் தொடர்புடைய மேலும் சிலரைக் காவல்துறையினர் தேடி வருகிறார்கள்.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks