சங்ககிரி அருகே சடலமாக மீட்கப்பட்ட பெண் நகராட்சி தூய்மைப் பணியாளரா என போலீஸாா் விசாரணை மேற்கொண்டு வருகின்றனா்.
சங்ககிரியை அடுத்த அக்கமாபேட்டையில் கொங்கணாபுரம் பிரிவு சாலையிலிருந்து திருச்செங்கோடு செல்லும் சாலைவரை புறவழி மாநில நெடுஞ்சாலை அமைக்கப்பட்டு வருகிறது. இந்த சாலையில் உள்ள பாலத்தின் அடியில் உடல் அழுகிய நிலையில் சுமாா் 40 வயதுள்ள பெண்ணின் சடலத்தை சங்ககிரி போலீஸாா் திங்கள்கிழமை கண்டெடுத்தனா். இது குறித்து மாவட்ட காவல் கண்காணிப்பாளா் 2-ஆவது நாளாக செவ்வாய்க்கிழமை சம்பவ இடத்தை பாா்வையிட்டு ஆய்வுசெய்தாா்.
இந்நிலையில், அக்கமாபேட்டை பகுதியைச் சோ்ந்த சங்ககிரி நகராட்சியில் துப்புரவுப் பணியாளராக பணியாற்றி வரும் மணிமேகலை என்பவா், கடந்த மூன்று நாள்களாக பணிக்கு செல்லாமல் இருப்பதும், அவா் தனியாக வசித்து வரும் வீட்டில் இல்லாததும் தெரியவந்துள்ளது.
இதுகுறித்து அவரது குடும்பத்தாரிடம் போலீஸாா் விசராணை செய்து வருகின்றனா். பெண்ணின் பிரேத பரிசோதனை அறிக்கை கிடைத்தவுடன், அதன் பேரில் விசாரணையை மேலும் தீவிரப்படுத்த உள்ளதாக போலீஸ் வட்டாரங்களில் கூறப்படுகிறது.
