சமூக ஊடகங்களில் சிறுவா்களுக்குத் தடை: ஆஸ்திரேலிய மாகாணங்கள் ஆதரவு
சத்தீஸ்கரின் பிஜாபூா் மாவட்டத்தில் பாதுகாப்புப் படையினருடன் நடந்த மோதலில் 2 நக்ஸல் தீவிரவாதிகள் வெள்ளிக்கிழமை சுட்டுக் கொல்லப்பட்டனா்.
இது தொடா்பாக மாநில காவல் துறை தலைவா் சுந்தரராஜ் கூறியதாவது:
பிஜாபூா் மாவட்டத்தில் உள்ள உசூா்-பாசகுடா-பாமேட் கிராமங்களை இணைக்கும் வனப்பகுதியில், மாவட்ட ஆயுதக் காவல்படை மற்றும் கோப்ரா கமாண்டோக்கள் இணைந்து நக்ஸல் எதிா்ப்பு நடவடிக்கையில் வெள்ளிக்கிழமை பிற்பகல் ஈடுபட்டிருந்தனா். அப்போது, அங்கு பதுங்கியிருந்த நக்ஸல் தீவிரவாதிகளுக்கும் பாதுகாப்புப் படை வீரா்களுக்கும் துப்பாக்கிச் சண்டை நடைபெற்றது. இந்த மோதலில் 2 நக்ஸல்கள் சுட்டுக்கொல்லப்பட்டனா்.
இதையடுத்து உயிரிழந்த நக்ஸல்களின் உடல்கள் மற்றும் அப்பகுதியில் இருந்து துப்பாக்கி, கையெறி குண்டுகள் மற்றும் உள்நாட்டு ஆயுதங்கள் மீட்கப்பட்டன என தெரிவித்தனா்.
இதனுடன், மாநிலத்தில் உள்ள பஸ்தா், பிஜாபூா் உள்ளிட்ட 7 மாவட்டங்களில் நிகழாண்டு மேற்கொள்ளப்பட்ட சோதனை நடவடிக்கையின்போது 191 நக்ஸல்கள் சுட்டுக் கொல்லப்பட்டுள்ளனா். பஸ்தா் பகுதியில் கடந்த அக்டோபா் 4-ஆம் தேதி அதிகப்படியாக 31 நக்ஸல்கள் சுட்டுக் கொல்லப்பட்டனா் என்பது குறிப்பிடத்தக்கது.
