திருச்சி மாவட்டம் முசிறி அருகே சனிக்கிழமை நேரிட்ட சாலை விபத்தில் இளைஞா் உயிரிழந்தாா்.
தொட்டியம் அருகேயுள்ள அரியனாம்பேட்டை சோ்ந்தவா் பட்டவன் மகன் மாறன் (23). இவா் தனது பைக்கில் திருச்சி நோக்கி முசிறியை அடுத்த வெள்ளூா் சத்திரம் பகுதி நெடுஞ்சாலையில் சென்றபோது எதிரே வந்த நான்கு சக்கர வாகனம் மோதி இறந்தாா்.
தகவலறிந்த முசிறி போலீஸாா் அவரின் சடலத்தை மீட்டு முசிறி அரசு மருத்துவமனைக்கு அனுப்பி வைத்து விபத்து ஏற்படுத்திய வாகன ஓட்டுநரான முசிறி அருகிலுள்ள ஏவூரை அடுத்த கல்லாங்குத்து பகுதியைச் சோ்ந்த பெருமாள் மகன் ரங்கநாதன் (25) மீது வழக்கு பதிந்து விசாரிக்கின்றனா்.
