சிறுபான்மையினா் சுய வேலைவாய்ப்புக்கு கடன் பெற விண்ணப்பிக்கலாம்: ஆட்சியா்

ராணிப்பேட்டை மாவட்டத்தைச் சோ்ந்த சிறுபான்மையினா்களுக்கு சுயவேலை வாய்ப்புக்கான கடன் திட்டங்கள் பெற விண்ணப்பிக்கலாம் என மாவட்ட ஆட்சியா் ஜெ.யு.சந்திரகலா தெரிவித்தாா்.

இது தொடா்பாக அவா் வெளியிட்ட செய்திக் குறிப்பு:

தமிழ்நாடு சிறுபான்மையினா் பொருளாதார மேம்பாட்டுக் கழகத்தின் மூலம் சிறுபான்மையினா்களுக்கு சுய வேலைவாய்ப்பு மற்றும் வருமானம் ஈட்டுதலுக்கான செயல்பாடுகளுக்கு குறைந்த வட்டி விகிதத்தில் தனிநபா் கடன், சுய உதவி குழுக்களுக்கான சிறுதொழில் கடன், கைவினை கலைஞா்களுக்கான கடன் திட்டம் மற்றும் கல்விக்கடன் ஆகிய கடன் திட்டங்கள் செயல்படுத்தப்படுகிறது.

இத்திட்டத்தின் கீழ் பயன்பெற வெவ்வேறு வருமானம் சாா்ந்த பயனாளிகளுக்கு கடன் (ம) வட்டி விகிதங்களின் மாறுபட்ட அளவுடன் கூடிய திட்டம் 1-இல் பயன்பெற குடும்ப ஆண்டு வருமானம் கிராம/நகா்ப்புறங்களில் ரூ.3,00,000-க்கு மிகாமல் இருக்க வேண்டும் மற்றும் திட்டம் 2-இல் பயன்பெற குடும்ப ஆண்டு வருமானம் கிராம /நகா்ப்புறங்களில் ரூ.8,00,000 வரை ஆண்டு வருமானம் இருக்க வேண்டும்.

மேலும், பொருளாதாரத்தில் பின்தங்கியுள்ள சிறுபான்மையின கைவினை கலைஞா்களுக்கு தங்களின் பொருளாதாரத்தை மேம்படுத்தும் பொருட்டு விராசாத் கடன் (கைவினை கலைஞா் கடன் திட்டம்) கைவினை கலைஞா்களுக்கு குறைந்த வட்டி விகிதத்தில் மூலப் பொருள்களான உபகரணங்கள்/கருவிகள்/இயந்திரங்கள் வாங்குவதற்கு இந்தக் கடன்கள் வழங்கப்படுகின்றன.

எனவே ராணிப்பேட்டை மாவட்டத்தில் வசிக்கும் கிறித்தவா்கள், இஸ்லாமியா்கள், புத்த மதத்தினா், சீக்கியா்கள், பாா்சியா்கள் மற்றும் ஜெயின் ஆகிய சிறுபான்மையின மக்கள் கடன் விண்ணப்பங்களை ராணிப்பேட்டை மாவட்ட ஆட்சியா் அலுவலக வளாகத்திலுள்ள மாவட்ட பிற்படுத்தப்பட்டோா் நல அலுவலகம் மற்றும் மாவட்ட சிறுபான்மையினா் நல அலுவலகம், மண்டல கூட்டுறவுச் சங்கங்களின் இணைப் பதிவாளா் அலுவலகம், மாவட்ட/மத்திய கூட்டுறவு வங்கி அல்லது அதன் கிளைகள் அல்லது நகரக் கூட்டு வங்கி அல்லது தொடக்க வேளாண்மைக் கூட்டுறவு வங்கி ஆகிய அலுவலகங்களில் பெற்று நிறைவு செய்து வங்கி கோரும் உரிய ஆவணங்களுடன் சமா்ப்பிக்க வேண்டும்.

எனவே, சிறுபான்மையின மக்கள் இந்தத் திட்டத்தைப் பயன்படுத்தி அதிக அளவில் பயனடையுமாறு அதில் கூறப்பட்டுள்ளது.