சென்னை உள்பட 9 இடங்களில் வெயில் சதம்

தமிழகத்தில் சென்னை மீனம்பாக்கம் உள்பட 9 இடங்களில் வெயில் சதமடித்துள்ளது.

இது குறித்து சென்னை வானிலை ஆய்வு மையம் சாா்பில் வெளியிடப்பட்ட செய்திக் குறிப்பு:

தமிழகத்தில் புதன்கிழமை அதிகபட்சமாக வேலூரில் 104.9, பரமத்திவேலூா் - 104, ஈரோடு - 103.28, சேலம் - 102.2, திருத்தணி - 101.12, தருமபுரி - 100.76, மதுரை விமான நிலையம் - 100.4, சென்னை மீனம்பாக்கம், திருச்சி - (தலா) 100 டிகிரி ஃபாரன்ஹீட் என மொத்தம் 9 இடங்களில் வெயில் சதமடித்துள்ளது.

மேலும் தமிழகம், புதுச்சேரி மற்றும் காரைக்காலில் அடுத்த 4 நாள்களுக்கு அதிகபட்ச வெப்பநிலை இயல்படை விட 4 டிகிரி செல்சியஸ் அதிகமாக இருக்கும். சென்னை மற்றும் புகா் பகுதிகளில் அதிகபட்ச வெப்பநிலை 99 டிகிரி ஃபாரன்ஹீட்டையொட்டி இருக்கும்.

மழைக்கு வாய்ப்பு: இந்தியாவின் தென்னிந்திய கடலோரப் பகுதிகளின் வளிமண்டல கீழடுக்கில் நிலவும் காற்றுக் குவிதல் காரணமாக, மே 1 முதல் 6-ஆம் தேதி வரை தமிழகத்தில் ஓரிரு இடங்களிலும், புதுச்சேரி, காரைக்காலிலும் இடி, மின்னலுடன் கூடிய மிதமான மழைக்கு வாய்ப்புள்ளது எனத் தெரிவிக்கப்பட்டுள்ளது.