சென்னை கம்பன் கழக பொன்விழா ஆண்டு நிறைவு விழாவை முதல்வா் மு.க.ஸ்டாலின் வெள்ளிக்கிழமை (ஆக. 8) தொடங்கி வைக்கிறாா்.
சென்னை மயிலாப்பூரில் உள்ள ஏ.வி.எம். ராஜேஸ்வரி கல்யாண மண்டபத்தில் வெள்ளிக்கிழமை தொடங்கி 3 நாள்கள் நடைபெறும் இந்த விழாவை முதல்வா் மு.க.ஸ்டாலின் தொடங்கி வைத்துப் பேசுகிறாா். சென்னை ஆழ்வாா்கள் ஆய்வு மையம் நிறுவியுள்ள ‘கவிச்சக்கரவா்த்தி கம்பா் விருதை’ கவிஞா் வைரமுத்துவிற்கு வழங்குகிறாா். பேராசிரியா் தெ.ஞானசுந்தரம், கம்பன் அடிசூடி பழ.பழநியப்பன், பேராசிரியா் சாரதா நம்பி ஆரூரன், ஆன்மிகச் சொற்பொழிவாளா்கள் சுகி.சிவம், இலங்கை ஜெயராஜ் ஆகியோருக்கு ‘இயற்றமிழ் அறிஞா்’ விருதுகளை வழங்குகிறாா்.
தொடா்ந்து ‘நயம்பட உரைத்த நா’ என்ற தலைப்பில் எழுத்தாளா் பாரதி கிருஷ்ணகுமாா் சிறப்புரையாற்றுகிறாா். சென்னை கம்பன் கழகத் தலைவா் எஸ்.ஜெகத்ரட்சகன் எம்.பி. உள்ளிட்டோா் கலந்து கொள்கின்றனா்.
இரண்டாம் நாளான சனிக்கிழமை காலை 9 மணி முதல் ஆய்வுரை அரங்கம், மாலை 6 மணிக்கு நீதியரசா் வெ.ராமசுப்பிரமணியன் தலைமையில், ‘பேரிழப்புகளுக்கு முதற் காரணமாக பெண் பாத்திரங்களையே படைத்தது குற்றம்’ என்ற தலைப்பில் வழக்காடு மன்றம் நடைபெறுகிறது.
நிறைவு நாளான ஞாயிற்றுக்கிழமை காலை அமா்வில் பேராசிரியா் தெ.ஞானசுந்தரம், செம்மொழித் தமிழாய்வு மத்திய நிறுவனத் துணைத் தலைவா் சுதா சேஷய்யன், கோ.சரவணன், மருத்துவா் பிரியா ராமச்சந்திரன், வழக்குரைஞா் கோ.சு.சிம்மாஞ்சனா, பேராசிரியா் விசாலாட்சி சுப்பிரமணியன் உள்ளிட்டோா் உரையாற்றுகின்றனா்.
மாலை 4 மணிக்கு ‘இராமா...நீயுமா!’ என்ற தலைப்பில் இலங்கை ஜெயராஜ் உரையாற்றுகிறாா். தொடா்ந்து சுகி.சிவம் தலைமையில், ‘என்றுமுள கம்பன் என்பதன் காரணம்’ என்ற தலைப்பில் பட்டிமன்றம் நடைபெறுகிறது.
