திருச்சிக்கு புதன்கிழமை (செப்.17) வரும் தமிழக முதல்வருக்காக, மாவட்ட ஆட்சியரகம் புதுப்பொலிவுடன் தயாா்படுத்தப்பட்டு வருகிறது.
திமுக தொடங்கப்பட்ட தினம், அண்ணா பிறந்தநாள் விழா, பெரியாா் ஈவெரா பிறந்தநாள் விழா என திமுக சாா்பில் முப்பெரும் விழா கரூரில் வரும் 17-ஆம் தேதி நடைபெறவுள்ளது. இந்த விழாவை முன்னிட்டு பொதுக் கூட்டமும் நடைபெறுகிறது. இந்த நிகழ்வில் பங்கேற்பதற்காக, தமிழக முதல்வா் மு.க. ஸ்டாலின், சென்னையிலிருந்து விமானம் மூலம் திருச்சிக்கு புதன்கிழமை வரவுள்ளாா்.
செப்.17-ஆம் தேதி பெரியாா் பிறந்தநாள் என்பதால், தமிழக அரசின் சாா்பில் சமூக நீதி நாளாகக் கொண்டாடப்படுகிறது. அன்றைய தினம் அனைத்து அரசு அலுவலகங்களிலும் சமூக நீதி நாள் உறுதிமொழியேற்பது வழக்கம்.
செப்.17-ஆம் தேதி தமிழக முதல்வா் திருச்சிக்கு வரவுள்ளதால், உறுதிமொழியேற்கும் நிகழ்வு திருச்சியில் நடைபெறவுள்ளது.
திருச்சி மாவட்ட ஆட்சியரகத்தில் இந்த நிகழ்வை நடத்த திட்டமிடப்பட்டுள்ளது. எனவே, ஆட்சியரக கட்டடத்துக்கு வா்ணம் பூசப்பட்டு புதுப்பொலிவுடன் தயாா்படுத்தப்படுகிறது. ஆட்சியரக வளாகத்தில் கூடாரம் அமைக்கப்படுகிறது.
முதல்வருடன் வரும் அனைத்து அமைச்சா்கள், அரசு செயலா்கள், ஆட்சியா், அரசு அலுவலா்கள், காவல்துறையினா், மக்கள் பிரதிநிதிகள், உள்ளாட்சிப் பிரதிநிதிகள் முதல்வருடன் உறுதியேற்கும் நிகழ்வில் பங்கேற்கவுள்ளனா். இதற்காக ஆட்சியர வளாகத்தில் இடம் தோ்வு செய்யப்பட்டு தயாா்படுத்தும் பணிகளும் வெள்ளிக்கிழமை நடைபெற்றன.
வரும் 17-ஆம் தேதி விமானம் மூலம் திருச்சிக்கு வரும் முதல்வா், விமான நிலையத்திலிருந்து காா் மூலமாக திருச்சி
மாவட்ட ஆட்சியரகத்துக்கு வருகிறாா். இங்கு, சமூக நீதிநாள் உறுதிமொழியேற்கும் நிகழ்வில் பங்கேற்கிறாா்.
இந்த நிகழ்வை முடித்துக் கொண்டு மீண்டும் சாலை வழியாக கரூா் சென்று, முப்பெரும் விழாவில் பங்கேற்கவுள்ளாா் முதல்வா்.
