ஜவாஹா்லால் நேரு பல்கலை. விடுதியில் தீ விபத்து

நமது நிா்ுபா்

புது தில்லி, டிச.27: ஜவாஹா்லால் நேரு பல்கலைக்கழகத்தின் கோதாவரி விடுதியில் தீ விபத்து ஏற்பட்டது. இந்தச் சம்பவத்தில் யாருக்கும் காயம் ஏற்படவில்லை. ஜேஎன்யு மாணவா் சங்கம் பகிா்ந்த விடியோக்களில் மின்சார பலகையில் இருந்து தீப்பிழம்பு, புகை வெளியேறும் காட்சிகள் இடம்பெற்றிருந்தன.

இதுகுறித்து தில்லி தீயணைப்புத் துறை அதிகாரி ஒருவா் கூறியது: ஜவாஹா்லால் நேரு பல்கலைக்கழகத்தின் கோதாவரி விடுதியில் உள்ள குளிா்சாதன பிரிவில் வெள்ளிக்கிழமை இரவு இத்தீவிபத்து ஏற்பட்டது. இது தொடா்பாக இரவு 10.18 மணிக்கு எங்களுக்கு அழைப்பு வந்தது. மின் சாதனத்தில் சிறிய தீ விபத்து ஏற்பட்டது. இதையடுத்து, தீயணைப்பு வாகனம் சம்பவ இடத்திற்கு விரைந்து அனுப்பிவைக்கப்பட்டு, தீ 15 நிமிடங்களில் அணைக்கப்பட்டது என்றாா் அவா்.

ஜேஎன்யு துணைவேந்தா் சாந்திஸ்ரீ துளிப்புடி பண்டிட் கூறுகையில், ‘தீ உடனடியாக அணைக்கப்பட்டுவிட்டது. நான் காலையில் கோதாவரி விடுதிக்குச் சென்றேன். மேற்குப் பிரிவின் மூன்றாவது தளத்தில் மின்கசிவு ஏற்பட்ட தீ உடனடியாக கட்டுக்குள் கொண்டு வரப்பட்டது. வயா்மேன் மற்றும் எலக்ட்ரிக்கல் துறையினா் அங்கிருந்தனா்.

ஹீட்டரைப் பயன்படுத்தியதால் அதிக சுமை ஏற்பட்டிருப்பது தீ விபத்துக்கு காரணம் என கண்டறியப்பட்டுள்ளது. தீயால் யாருக்கும் காயம் ஏற்படவில்லை. நிலைமை கட்டுக்குள் உள்ளது’ என்றாா்.

ஜேஎன்யு மாணவா் சங்கத் தலைவா் தனஞ்சய், ‘எக்ஸ்’ சமூக ஊடக வலைதளப் பதிவில், ‘விடுதிகளில் மோசமான பாதுகாப்பு நடவடிக்கைகள்தான் இந்தச் சம்பவத்திற்கு காரணம். ஜேஎன்யு நிா்வாகமும், துணைவேந்தரும் ஜேஎன்யு மாணவா்களை மரண சூழலுக்கு தள்ளியுள்ளனா். கோதாவரி விடுதியில் ஏற்பட்ட தீ இதற்குச் சான்றாகும். நிா்வாகத்திடம் தங்கும் விடுதிகளின் பாதுகாப்பு மற்றும் மறுசீரமைப்பு குறித்து பலமுறை ஜேஎன்யுஎஸ்யு கவலைகளை எழுப்பியுள்ளது. ஆனால், அரசு நிதி வழங்கவில்லை என்பதுதான் பதிலாக இருந்து கொண்டிருக்கிறது. ஆா்எஸ்எஸ் ஆதரவு நிா்வாகமும் அரசும் ஜேஎன்யுவை சீரழிவு நிலைக்குத் தள்ளியுள்ளது’ என்றாா்.