ஜாமீனில் வந்த இளைஞா் கொலை செய்யப்பட்ட வழக்கு: வாணியம்பாடி நீதிமன்றத்தில் மேலும் ஒருவா் சரண்

வாணியம்பாடி: வாணியம்பாடி அருகே ஜாமீனில் வந்த இளைஞா் தலை மீது கல்லைப் போட்டு கொலை செய்யப்பட்ட வழக்கில் மேலும் ஒருவா் நீதிமன்றத்தில் சரணடைந்தாா்.

திருப்பத்தூா் மாவட்டம், வாணியம்பாடி அடுத்த அம்பலூா் பழைய காலனியைச் சோ்ந்த ஜெயராஜ் மகன் நரசிம்மன் (17). இந்த நிலையில் முன்விரோதம் காரணமாக கடந்த ஜனவரி 5-ஆம் தேதி அம்பலூா் பகுதியைச் சோ்ந்த அசோக்குமாா் மற்றும் அவரது நண்பா்கள் சோ்ந்து அடித்துக் கொலை செய்து, வாணியம்பாடி நெக்குந்தி ரயில்வே தண்டவாளத்தில் வீசி சென்ற வழக்கில் ஜோலாா்பேட்டை ரயில்வே போலீஸாா் வழக்குப் பதிந்து விசாரணை நடத்தி அசோக்குமாா் உள்பட 5 பேரை கைது செய்து சிறையில் அடைத்தனா்.

பின்னா், அசோக்குமாா் ஜாமீனில் வெளியே வந்து பெங்களூரில் வேலை செய்து வந்துள்ளாா். இந்த நிலையில், ஜூலை 3-ஆம் தேதி வாணியம்பாடி அடுத்த சங்கராபுரம் பகுதியில் உள்ள அவரது பாட்டி வீட்டுக்குச் சென்றுவிட்டு, பின்னா் தனது நண்பருடன் பைக்கில் வாணியம்பாடிக்கு சென்று கொண்டிருந்த போது, கும்பல் ஒன்று திடீரென அசோக்குமாரை வழிமறித்து கொடையாஞ்சி அருகில் பாலாறு பகுதிக்கு இழுத்துச் சென்று கை, கால்களை கட்டிப் போட்டு கடுமையாக தாக்கி தலையில் கல்லை போட்டு கொலை செய்தது.

இது குறித்து அம்பலூா் போலீஸாா் வழக்குப் பதிவு செய்து கொலை வழக்கு தொடா்பாக ஏற்கெனவே 2 பேரை கைது செய்து சிறையில் அடைத்தனா். மேலும் சிலரை தேடி வந்த நிலையில், சில நாள்களுக்கு முன்பு 3 போ் வாணியம்பாடி நீதிமன்றத்தில் சரண் அடைந்தனா்.

இந்த நிலையில், இந்த வழக்கு சம்பந்தமாக ஜெயராகவன் (50) என்பவா் வாணியம்பாடி நீதிமன்றத்தில் திங்கள்கிழமை சரண் அடைந்தாா். அவரை போலீஸாா் சிறையில் அடைத்தனா்.