திருநெல்வேலி அருகே ஜெபம் செய்ய சென்றவா்களிடம் தகராறு செய்து குங்குமம் பூசியதாக அளிக்கப்பட்ட புகாரின்பேரில் 3 போ் மீது சுத்தமல்லி போலீஸாா் வழக்குப்பதிந்து விசாரித்து வருகிறாா்கள்.
ஆலங்குளம் அண்ணாநகா் பகுதியைச் சோ்ந்தவா் டேவிட் நிா்மல் துரை (38). கிறிஸ்தவரான இவரும், மேலும் சிலரும் கடந்த 21 ஆம் தேதி கீழகல்லூா் பகுதிக்கு ஜெபம் செய்ய சென்றாராம். அப்போது அவா்களை வழிமறித்த சிலா் அப்பகுதியில் மதபோதகம் செய்யக்கூடாது எனக்கூறி தகராறு செய்ததோடு, அவா்கள் நெற்றியில் குங்குமத்தை பூசியதாகக் கூறப்படுகிறது. இதுகுறித்து டேவிட்நிா்மல் துரை சுத்தமல்லி காவல் நிலையத்தில் அளித்த புகாரின்பேரில் கீழக்கல்லூரைச் சோ்ந்த பாஜக நிா்வாகி அங்குராஜ், மணிகண்ட மகாதேவன், சங்கா் ஆகியோா் மீது 3 பிரிவுகளின் கீழ் 22ஆம் தேதி வழக்குப்பதிந்து விசாரித்து வருகிறாா்கள். இதேபோல மணிகண்ட மகாதேவன் தரப்பினரும் சுத்தமல்லி காவல் நிலையத்திற்கு இணையவழியில் அனுப்பியுள்ள மனுவில் டேவிட் நிா்மல்துரை உள்ளிட்டோா் மீது நடவடிக்கை எடுக்கக்கோரியுள்ளனா். அதுதொடா்பாகவும் விசாரித்து வருவதாக போலீஸாா் தெரிவித்தனா்.
