ஜோக்ஸ்

‘‘தொடர்ந்து ஒரே வீட்ல திருடுறியே, ஏன்..?’’

‘‘புதுசா இப்ப ‘ஒரே வீடு ஒரே திருட்டு' திட்டத்தைத் தொடங்கியிருக்கேன் யுவர் ஆனர்..!’’

- சென்னா

- திருப்பூர் சாரதி

“அரசியல் பேசப் போன தலைவரை கூட்டணித் தலைவர் மரியாதை இல்லாமல் பேசிட்டாருன்னு எப்படிச் சொல்றே?!”

“இது மரியாதை நிமித்தமில்லாத சந்திப்புன்னு அறிக்கை விடுறாரே!”

- எம்.கல்லூரி ராமன்

‘‘புதுசா பிசினஸ் தொடங்கப் போறதா நான் சொன்னப்ப, இந்த ஊர்ல நிறைய பேர் தங்களோட நகைகளை அடகு வச்சு உதவினாங்க!’’

‘‘ஆச்சரியமா இருக்கே, அப்படி என்னய்யா பிசினஸ் பண்ணுன?!’’

‘‘அடகுக் கடை பிசினஸ்தான்!’’

- மேல்மங்கலம் பத்ரா