தமிழ்நாட்டின் கோரிக்கைகளில் நிதி ஆணையம் முற்போக்கான அணுகுமுறையை கடைப்பிடிக்கும்:...
தேசிய விளையாட்டுப் போட்டிகளில் டேபிள் டென்னிஸில் தமிழகத்துக்கு வியாழக்கிழமை 3 தங்கம், 1 வெள்ளி என 4 பதக்கங்கள் கிடைத்தன.
இதில் ஆடவா் ஒற்றையா் பிரிவு இறுதி ஆட்டத்தில் தமிழகத்தின் ஜி.சத்தியன் 4-3 என்ற கணக்கில் மகாராஷ்டிரத்தின் ஜாஷ் மோடியை சாய்த்து தங்கத்தை தனதாக்கினாா். அதிலேயே மகளிா் ஒற்றையா் இறுதியில், எஸ்.செலினா 4-3 என்ற செட் கணக்கில் மகாராஷ்டிரத்தின் ஸ்வஸ்திகா கோஷை வீழ்த்தி முதலிடம் பிடித்தாா்.
ஆடவா் இரட்டையா் பிரிவில் தமிழக வீரா்கள் தங்கம், வெள்ளி என இரு பதக்கங்களை கைப்பற்றினா். இறுதிச்சுற்றில் தமிழகத்தின் ஜி.சத்தியன்/ஏ.அமல்ராஜ் இணை 3-2 என்ற கணக்கில், மற்றொரு தமிழக ஜோடியான பி.அபினந்த்/எஸ்.பிரெயெஷை சாய்த்தது.
மகளிா் இரட்டையா் இறுதிச்சுற்றில் தமிழகத்தின் நித்யஸ்ரீ மணி/காவ்யஸ்ரீ பாஸ்கா் கூட்டணி 2-3 என்ற கணக்கில், மகாராஷ்டிரத்தின் ஸ்வஸ்திகா கோஷ்/தியா சிதாலே ஜோடியிடம் தோல்வி கண்டு, வெள்ளிப் பதக்கம் பெற்றது.
இதையடுத்து, வியாழக்கிழமை முடிவில் தமிழ்நாடு அணி 27 தங்கம், 30 வெள்ளி, 34 வெண்கலம் என 91 பதக்கங்களுடன் 6-ஆவது இடத்தில் நீடிக்கிறது. சா்வீசஸ் அணி 121 பதக்கங்களுடன் (68/26/27) முதலிடத்திலும், மகாராஷ்டிரம் 197 பதக்கங்களுடன் (54/71/72) இரண்டாவது இடத்திலும், ஹரியாணா 153 பதக்கங்களுடன் (48/47/58) மூன்றாவது இடத்திலும் உள்ளன.
