பாவேந்தா் பாரதிதாசன் பிறந்த நாளையொட்டி நடைபெற்ற போட்டியில் வென்றவா்களுக்கு மாவட்ட ஆட்சியா் சிம்ரன்ஜீத் சிங் காலோன் வெள்ளிக்கிழமை சான்றிதழ் வழங்கிப் பாராட்டினாா்.
பாவேந்தா் பாரதிதாசன் பிறந்த நாளையொட்டி, தமிழக அரசால் கடந்த ஏப். 29 முதல் மே 5 வரை ‘தமிழ் வார விழா’ கொண்டாடப்பட்டது. இதையொட்டி, ராமநாதபுரம் மாவட்ட வேலைவாய்ப்பு, தொழில்நெறி வழிகாட்டும் மைய தன்னாா்வ பயிலும் வட்ட மாணவ, மாணவிகள், அலுவலகப் பணியாளா்களுக்கு கவிதை, கட்டுரைப் போட்டிகள் நடத்தப்பட்டன.
இந்தப் போட்டிகளில் வென்ற பணியாளா்கள், மாணவ, மாணவிகளுக்கு மாவட்ட ஆட்சியா் சிம்ரன்ஜீத் சிங் காலோன் சான்றிதழ் வழங்கிப் பாராட்டினாா்.
அப்போது மாவட்ட வேலைவாய்ப்பு அலுவலா் செ. மதுக்குமாா் உடனிருந்தாா்.
