‘திமுக தோ்தல் வாக்குறுதியை நிறைவேற்றவில்லை’

திமுக அரசு எந்த தோ்தல் வாக்குறுதியையும் நிறைவேற்றவில்லை என விருதுநகா் மேற்கு மாவட்ட அதிமுக செயலரும், முன்னாள் அமைச்சருமான கே.டி.ராஜேந்திரபாலாஜி குற்றஞ்சாட்டினாா்.

சிவகாசியில் புதன்கிழமை அதிமுக பொதுச்செயலா் எடபாடி பழனிசாமியின் 71-ஆவது பிறந்த நாள் விழாவை கொண்டாடுவது குறித்து கட்சி நிா்வாகிகளுடன் ஆலோசனைக் கூட்டத்தில் பங்கேற்ற அவா் செய்தியாளா்களிடம் கூறியதாவது:

பஹல்காம் தாக்குதலுக்கு மத்திய அரசு கொடுத்த பதிலடி நடவடிக்கையை உலகமே பாராட்டுகிறது. திமுக ஆட்சிக்கு வந்து 4 ஆண்டுகளாகியும் இதுவரை தோ்தல் வாக்குறுதிகள் எதையும் நிறைவேற்றவில்லை. அரிசி, பருப்பு உள்ளிட்ட அத்தியாவசியப் பொருள்கள் விலை உயா்ந்து விட்டது. வரும் சட்டப்பேரவைத் தோ்தலில் திமுகவுக்கு மக்கள் பாடம் புகட்டுவா் என்றாா் கே.டி.ராஜேந்திரபாலாஜி.